Սարսանգի ջուրը կուտակում ենք, փոքր գետերից ենք օգտվում․ Ջրային կոմիտեի նախագահ
Ուշադրության կենտրոնումՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Արցախի շրջափակման պատճառով բնակիչների համար կենսական նշանակություն ունի ջրի խնդիրը, որի լուծումը շատ արցախցիներ չեն պատկերացնում։
MediaHub-ը Արցախի ջրային կոմիտեի նախագահ Արարատ Խաչատրյանից հետաքրքրվեց, թե ի՞նչ վիճակում է Սարսանգի ջրամբարը, որքա՞ն կհերիքի ունեցած պաշարը և ի՞նչ է արվում էներգետիկ ճգնաժամը հաղթահարելու համար։
Վերջինիս խոսքով, հիմա չկա համայնք, որտեղ համապատասխան աշխատանքներ չեն կատարվել։
«Խմելու ջրի առումով կարելի է ասել, որ բավարար պաշար ունենք, իսկ էներգետիկ առումով հիմա Սարսանգի ջուրը կուտակում ենք, որ աշնանը օգտագործենք։ Տեղումներ են լինում, իրականում, որոնք որոշ չափով օգնում են մեզ»,-ասաց նա։
Խաչատրյանի խոսքով՝ ունեցած պաշարը չի կարող ասել, թե որքան կբավարարի, բայց մինչև սեպտեմբեր կուտակում են իրականացնելու։
«Երբ տեսնենք, որ փոքր գետերի ջուրը պակասում է, Սարսանգը կբացենք։ Խմելու և ոռոգման ջրերը հիմա գետերից ենք ստանում և մեխանիկական եղանակով՝ արտիզյան ջրհորներից ենք հանում»,-ներկայացրեց նա։
Նշենք, որ Արցախի իշխանությունները մեկ անգամ չէ, որ բարձրաձայնել են այս լրջագույն խնդրի մասին: Երեկ էլ հայտարարվեց՝ Արցախում խմելու ջրի խնդիր է հասունանում: Այդպես, Մարտունու շրջանի որոշ գյուղերում մոտ մեկ ամիս է, ինչ ջրի սղության խնդիր կա․ հիմնականում օրական երկու ժամ է ջուր մատակարարվում բնակիչներին։
Շրջանների վարչակազմերի պատասխանատուներն ահազանգում են, որ Արցախի 71 գյուղում ջուրը մեխանիկական եղանակով է հավաքվում։ Խնդրի լուծման տարբերակ է պոմպակայաններում դիզելային գեներատորների տեղադրումը, ինչը դիզվառելիքի սղության պայմաններում հնարավոր չէ։
Լիաննա Թորոսյան
1
2
3
4
5
1
2
3
4
5
1
2
3
4
5
