«ՀայաՔվե» -ի հանրային հանդիպումն անցավ մարդաշատ և տեղեկատվական առումով՝ խիստ հագեցած

 

Բազմաթիվ հարցեր հնչեցին դահլիճում գտնվող ներկաներից, որոնք հիմնականում առնչվում էին ստորագրահավաքի կարգին, արտերկրում գտնվող ՀՀ քաղաքացիների մասնակցությանը, ստորագրահավաքի հաջորդ փուլերին, որոնք արդեն բուն Հանրաքվեի անցկացման կարգին են վերաբերում։

 

Ի՞նչու է անհրաժեշտ մասնակցել ստորագրահավաքին․

 

-Հայ ժողովրդին փորձում են համոզել, իբրև թե ողջ աշխարհը կողմ է, որ Արցախը դառնա Ադրբեջանի մաս։

-Հայ ժողովրդին փորձում են ներշնչել անելանելիության զգացում, փորձում են վախեցնել պատերազմով։

-Հայ ժողովուրդն ունի բարձր արժանապատվություն։ Հայ ժողովուրդը չի ուզում հանձնվել։

-Հայ ժողովուրդը հասնելու է Արցախի ինքնորոշման իրավունքի միջազգային ճանաչմանը, և հետագայում Արցախը վերամիավորվելու է Հայաստանի Հանրապետության հետ։

 

Հայ ժողովուրդը ներքևից վերև պարտադրելու է իր այս կամքը՝ որպես առաջին քայլ՝ քրեորեն պատժելով այն պաշտոնյային, ով Հայաստանի Հանրապետության անունից Արցախը կճանաչի Ադրբեջանի մաս։

 

#ՀայաՔվե նախաձեռնությունը հասնելու է նրան, որ այդ պատիժն ամրագրվի ՀՀ քրեական օրենսգրքում։

 

Հանդիպմանը բազմաթիվ մասնակիցների ճնշող մեծամասնությունը ոգևորված էին տեղի ունեցած բովանդակային քննարկմամբ, և հայտնեցին օրենսդրական նախաձեռնությանն անձնապես աջակցելու միարժեք պատրաստակամության մասին։