Գիրությանս պատճառով հաճախ էի սենյակում փակվում ու լացում. Գոհար Ավետիսյան
Life
Wnews.am-ը գրում է .
Մոսկվայում բնակվող ամենապահանջված հայուհի դիմահարդար Գոհար Ավետիսյանը Instagram-ի իր էջում անկեղծ եւ հուզիչ գրառում է կատարել.
«Երբ 11 տարեկան էի, հաճախ էի սենյակումս փակվում եւ լացում, որովհետեւ շատ կոմպլեքսավորված երեխա էի. գիրությանս պատճառով շրջապատիս նվաստացումները, հայկական արմատներս եւ շատ այլ բաներ երբեք ինձ չէին լքում։
Հենց այդ ժամանակ ծնողներիցս թաքուն սկսեցի շպարվել եւ պաշտում էի այդ պրոցեսը։ Ես օրերով օգտագործում էի մայրիկիս կոսմետիկան, փորձարկում , որովհետեւ դա ինձ ոգեշնչում էր… անցել է ուղիղ 11 տարի եւ ես դիմահարդարումն ամեն վայրկյանի հետ ավելի ու ավելի եմ սիրում։
Ես ինձ երջանիկ եմ զգում, երբ կերպարանափոխում եմ կանանց եւ աղջիկներին, իմ գիտելիքներն եմ փոխանցում աշակերտներիս եւ ցանում դասավանդման արմատները։ Բացի այդ, ուզում եմ, որ ինձ մոտ եկող աշակերտները գան գիտելիքների, ոգեշնչման եւ դրական լիցքեր ստանալու համար, այդ պատճառով էլ ամեն օր ես կատարելագործվում եմ եւ փորձում ավելի լավը լինել։
Գիտեք, երբեք չէի մտածի, որ այն, ինչ փրկում էր դեպրեսիայից, հնարավոր է նաեւ ինքնասպանության փորձից, վերածվել է ոչ միայն հոբբիի, հետաքրքիր աշխատանքի, այլ նաեւ իմ եւ կյանքիս մի մասի։ Չգիտեմ ինչու, բայց իմ աշխատանքներն ընդունվում եւ սիրվում են ժողովրդի կողմից»։
1
2
3
4
5
1
2
3
4
5
5
