Ադրբեջանում մեծացել է պարտքերի պատճառով ինքնասպանությունների թիվը

Մանաթի դեկտեմբերի 21-ին երկրորդ անգամ արժեզրկումից հետո Ադրբեջանում մեծացել է բանկերին վարկային պարտքեր ունենալու պատճառով ինքնասպանությունների թիվը` կապված այն բանի հետ, որ դոլարային հաշվարկով ամսական վճարների չափը մեծացել է:

Ինչպես հաղորդում է «Արմենպրես»-ը, modern.az-ը հայտնում է, որ վարկերը վճարել չկարողացողների մեջ ավելի մեծացել է քացախաթթու խմելով ինքնասպանության դիմողների թիվը:

Ադրբեջանի առողջապահությաննախարարության կլինիկական բժշկականկենտրոնի թունաբանությանբաժանմունքի ղեկավար ԱզերՄաքսուդովը կայքին հայտնել է, որ այ տարվա առաջին ամսվա ընթացքում թունավորման ախտանիշով 65 հիվանդ են ունեցել, որոնց մեծ մասը՝ քացախաթթվով թունավորմամբ: Նա խուսափել է նշել թունավորումից մահացածների թիվը:

Baku.ws կայքը հայտնում է, որ հենց այս րոպեներին Բաքվում հերթական ինքնասպանության փորձն է կատարվում: Ձեռնարկատեր Դոնմեզ Մամեդովը, որը ղարաբաղյան պատերազմի վետերան է, փորձում է կյանքին վերջ տալ, ինչի համար նա բարձրացել է Տրանսպորտի նախարարության մոտ գտնվող կամուրջի վրա եւ ցանկանում է նետվել ցած: Նա հայտարարում է, որ չի կարողանում վճարել բանկին ունեցած պարտքը:

«Ազադլըգ» թերթն այդ առնչությամբ գրում է. «Ինչքան պետք է այս ամենը շարունակվի: Ինչպես երեւում է` բանկերին բոլոր պարտք ունեցողների ինքնասպանությունից հետո Ադրբեջանում ոչ պարտք ունեցող կմնա, ոչ էլ ինքնասպանության դիմողներ»: 

Ադրբեջանում 400 հազար մարդ պարտք է բանկերին: Մանաթի փոխարժեքի գրեթե երկու անգամ արժեզրկվելու պատճառով նրանց մեծ մասը չի կարողանում մարել պարտքերը:

Ադրբեջանական ԶԼՄ-ների տվյալներով` այս տարվա ընթացքում այդ երկրում արդեն 39 ինքնասպանության դեպք է գրանցվել, որի մեծ մասը՝ բանկերին ունեցած պարտքերը վճարել չկարողանալու պատճառով: Երկու մարդ ինքնահրկիզվել է, ինքնասպանության է դիմել երկու անչափահաս:

Ադրբեջանի իշխանությունները երկրում ինքնասպանությունների պաշտոնական վիճակագրություն չեն հրապարակում, սակայն, ադրբեջանական ԶԼՄ-ների համաձայն` 2015 թվականի ընթացքում այդ երկրում 300-ից ավելի ինքնասպանության դեպք է գրանցվել, որոնցից 14-ն անչափահասներ են եղել:

2015 թվականի ընթացքում Ադրբեջանում քաղաքացու ինքնահրկիզման դիմելու 19 դեպք է տեղի ունեցել, որից 11-ը մահվան ելքով ավարտ են ունեցել: