Լավրով. Սա անընդունելի էսկալացիա է
Ուշադրության կենտրոնումՍեղմեք ԱՅՍՏԵՂ, օնլայն հայտը և մոռացեք հոսանքի վարձի մասին
Ռուսաստանի ԱԳՆ ղեկավար Սերգեյ Լավրովն այսօր՝ մայիսի 28-ին, պատասխանել է Ուկրաինային զենք մատակարարելու մասին «Մոսկվա։ Կրեմլ։ Պուտին» հաղորդման հարցին։ Սերգեյ Լավրովի հարցն ու պատասխանը հրապարակված են Ռուսաստանի արտաքին քաղաքական գերատեսչության կայքում։ «Շաբաթվա առանցքային թեման զենքի մատակարարումն է։ Կործանիչներն արդեն խոստացված են։ Իսկ առաջ անգամ վախենում էին այդ մասին խոսել։ Տանկեր, կործանիչներ․․․ Որտե՞ղ է աս էսկալացիայի սահմանը»,- հարցրել են ՌԴ ԱԳՆ ղեկավարին։
Ըստ Լավրովի, առաջ սաղավարտներից ու զրահաբաճկոններից բացի ուրիշ բաների մասին խոսել վախենում էին։
«Սա անընդունելի էսկալացիա է։ Կարծում եմ, որ Արևմուտքում կան գիտակից մարդիկ, որ սա հասկանում են։ Բայց թելադրողը Վաշինգտոնն է, Լոնդոնը և Եվրոպական միութան մեջ գտնվող նրանց սատելիտները։ Առաջին հերթին Բալթյան երկրները և Լեհաստանը, որոնք անմիջականորեն «գետնի վրա» իրականացնում են Միացյալ Նահանգների կողմից առաջադրված խնդիրը, այն է՝ թուլացնել Ռուսաստանը,«ռազմավարական պարտության» հասցնել նրան։
Արևմուտքի քաղաքագիտական շրջաններում արդեն խոսում են այն մասին, թե ինչպես «ապագաղութականացնեն» Ռուսաստանը՝ նկատի ունենալով մեր երկրի մասնատումը։ Կրակի հետ են խաղում։ Ոչ մի կասկած։
Հույս ունեմ, որ բանիմաց մարդիկ, այդուհանդերձ, հետ կքաշվեն հենց Արևմուտքի ստեղծած նեոնացիստական ռեժիմի անտարակույս աջակցությունից։
Վերջերս լսեցի ԱՄՆ ԶՈՒ շտաբերի ղեկավարների միացյալ կոմիտեի նախագահ, գեներալ Մ․Միլիի ելույթը, որը զգուշորեն արտահայտվեց։ Առաջին անգամ պաշտոնական անձի շուրթերով ասվեց մի բան, որը «Վ․Ա․ Զելենսկու խաղաղության բանաձևի» անբողոքարկելի պաշտպանություն չէր։ Նա ասաց, որ, ըստ երևույթին, Ուկրաինան տեսանելի հեռանկարում չի կարող հույս ունենալ 1991 թ․ սահմաններով իր բոլոր տարածքների վերադարձին։ Սա մեկ քայլ առաջ է «գետնի վրա» իրականությունը հասկանալու հարցում»,- ասել է Լավրովը։
1
2
3
4
5
1
3
4
5
1
2
3
