ԵԽ-ն հաստատեց՝ Փաշինյանն ու Ալիևը համաձայնել են մայիսի 14-ին հանդիպել Բրյուսելում
ՔաղաքականությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Եվրոպական խորհուրդը պաշտոնապես հայտնել է Շառլ Միշելի միջնորդությամբ Բրյուսելում կայանալիք Հայաստանի և Ադրբեջանի ղեկավարներ Նիկոլ Փաշինյանի և Իլհամ Ալիևի հանդիպման մասին։ Հաղորդագրությունը հրապարակվել է Եվրոպական խորհրդի կայքում։
Հաղորդվում է նաև, որ Փաշինյանն ու Ալիևը քննարկումները կշարունակեն հունիսի 1-ին՝ Քիշնևում: Այն տեղի կունենա Ֆրանսիայի և Գերմանիայի նախագահների մասնակցությամբ։
«Նախագահ Միշելը շարունակում է սերտ կապի մեջ լինել Հայաստանի և Ադրբեջանի ղեկավարների հետ՝ Հարավային Կովկասում կայունության և երկու երկրների միջև հարաբերությունների կարգավորմանն ուղղված ջանքերի շրջանակներում։
Երկու երկրների ղեկավարները համաձայնել են հանդիպել 2023 թվականի մայիսի 14-ին՝ Բրյուսելում եռակողմ հանդիպման շրջանակում։
Նրանց քննարկումները կշարունակվեն նաև Ֆրանսիայի նախագահ Էմանուել Մակրոնի և Գերմանիայի կանցլեր Օլաֆ Շոլցի հետ համատեղ հանդիպմանը 2023 թվականի հունիսի 1-ին Քիշնևում կայանալիք Եվրոպական քաղաքական համայնքի գագաթնաժողովի շրջանակում»,- նշված է հաղորդագրության մեջ։
1
2
3
4
5
1
2
3
4
5
2
