Որն է եղել Flyone Armenia-ի հարկադիր վայրէջքի պատճառը
Ուշադրության կենտրոնումՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Երեկ՝ մայիսի 7-ին Flyone Armenia ավիաընկերության ինքնաթիռին թույլ չեն տվել մուտք գործել Դուբայ: Երևան-Դուբայ չվերթը սպասարկող FlyOne Armenia ընկերության ինքնաթիռը հարկադիր վայրէջք է կատարել Իրանի Շիրազի օդանավակայանում։ Flyone Armenia ավիաընկերության խորհրդի նախագահ Արամ Անանյանը «Հրապարակի» հետ զրույցում նշել էր, որ դեռևս լրացուցիչ պարզաբանման կարիք ունեցող հիմնավորմամբ՝ Դուբայի օդային երթևեկության կարգավարները թույլ չեն տվել ավիաընկերության օդանավին մուտք գործել Դուբայի օդային տարածք։
Օդանավի հրամանատարը որոշում է ընդունել վայրէջք կատարել Շիրազի օդանավակայանում՝ մինչև խնդրի պարզաբանումը։ Թե ինչ լրացուցիչ պարզաբանման մասին է խոսքը, Անանյանը չնշեց, ասելով, թե տեղյակ չէ:
Քաղավիացայի կոմիտեից մեզ հետ զրույցում նշեցին, որ Flyone Armenia ավիաընկերության հետ փաստաթղթային խնդիրներ են առաջացել և հենց այդ պատճառով էլ ինքնաթիռը Դուբայում վայրէջք չի կատարել. «Փաստաթղթային խնդիրներ են առաջացել, սակայն դա չի նշանակում, որ պակաս փաստաթղթեր են եղել, պարզապես որոշակի խնդիրներ են առաջացել, որովհետև երկու բորտ է գրանցված: Չվերթերն իրականացվել են մշտապես առաջին բորտով, սակայն այս անգամ որոշել են թռիչքն իրականացնել երկրորդ բորտով: Արդյունքում Դուբայում փաստաթղթերի հետ կապված խնդիրներ են առաջացել»,-նշեցին Քաղավիացիայի կոմիտեից:
1
2
3
4
5
1
2
4
5
1
2
3
4
5
