Հայաստանում լուծում են երաժշտական դպրոցներում գործիքների պակասի խնդիրը

«Հանրապետության երաժշտական և արվեստի դպրոցների համար երաժշտական գործիքների ձեռքբերում» ծրագրով՝ 2015 թվականին հանրապետության երաժշտական դպրոցների սաներին է տրամադրվել 20 անվանումով 96 երաժշտական գործիք: «Հանրապետության երաժշտական և արվեստի դպրոցների համար երաժշտական գործիքների ձեռքբերում» ծ րագրիրը հնարավորություն տվեց պահպանելու, չփակելու երաժշտական շատ դասարաններ: «Մենք 3 տարվա ընթացքում ձեռք ենք բերել 271 երաժշտական գործիք, և այդ գործիքները բաշխվել են համամասնություններն հաշվի առնելով: Հիմնականում վերջին երկու տարում ուշադրությունն ավելի շատ կենտրոնացված էր մարզերում երաժշտական դպրոցներում կարիքները հոգալուն»,- նշեց ՀՀ մշակույթի նախարարի առաջին տեղակալ Արթուր Պողոսյանը:

Պողոսյանի խոսքով ՝ մշակույթի նախարարության կողմից երաժշտական գործիքների բաշխման հիմքում ընկած է 3 սկզբունք՝ առաջինը, որ փորձ է արվում  խրախուսել այն երեխաներին, ովքեր բարձր առաջադիմություն են ցուցաբերում, հաջորդը նոր դասարանների բացումն է այն նվագարանների գծով, որոնք վտանգված են: Վերջին սկզբունքը սոցիալական խնդիրն է, սոցիալապես անապահով երեխաներին ապահովելը երաժշտական գործիքներով, հատկապես եթե նրանց առաջադիմությունը բարձր է:

Մշակութային կրթության աջակցության հիմնադրամի տնօրեն Նելլի Սարգսյանն ասաց, որ գործիքներն առաջին հերթին տրվում են շնորհալի երեխաներին, ովքեր ունեն խոստումնալից ապագա: Տրվում է նաև սոցիալական խնդիրներ ունեցող երեխաներին, ովքեր շնորհքով են, սովորում են դպրոցում, սակայն ծնողն ի վիճակի չէ գնել գործիքը, իսկ հետո հաշվի են առնվում  նորաբաց երաժշտական բաժիններն ու գործիքները տրվում են նաև նրանց:

«Գործիքները հիմնականում լարային են կամ փողային: Երաժշտական սարքերը տրվում են որևէ երեխայի, ով ունի բարձր առաջադիմություն և եթե երեխան շարունակում է ուսումը մինչև 5-րդ դասարան, դրանից հետո գործիքը հանձնվում է դպրոցին. գործիքն օգտագործում է մեկ այլ շնորհալի աշակերտ»,- ասաց Սարգսյանը:

2013 թվականին ՀՀ մշակույթի նախարարության իրականացրած ուսումնասիրությամբ պարզվել է, որ դպրոցներում առկաերաժշտական գործիքների պակասն ու մաշվածությունը բացասաբար են անդրադառնում ուսումնական գործընթացի վրա:Իրավիճակի բարելավման նպատակով՝ նույն թվականին մեկնարկել է «Հանրապետության երաժշտական և արվեստի դպրոցներիհամար երաժշտական գործիքների ձեռքբերում» ծրագիրը: Վերջինի շրջանակում երաժշտական գործիքներ են տրամադրվումերաժշտական և արվեստի դպրոցներում սովորող շնորհալի պատանի երաժիշտներին, նոր ձևավորվող մասնագիտականդասարանների սաներին և սոցիալապես անապահով ընտանիքների երեխաներին: 2013-2015 թթ. ծրագրի շրջանակում ձեռքբերված 271 երաժշտական գործիքները տրամադրվել են 101 երաժշտական և արվեստի դպրոցների 271 սաների: