Քրիսթեն Սթյուարթը լուսանկարվել է Chanel-ի դիմահարդարման գովազդում

Ամերիկացի դերասանուհի Քրիսթեն Սթյուարթը դարձել Է Chanel ֆրանսիական նորաձեւության տան մակիաժի նոր հավաքածուի՝ 2016 Eyes Collection-ի դեմքը, տեղեկացնում Է«Արմենպրես»-ը:

Գովազդային արշավի լուսանկարները վստահել են նորաձեւության հայտնի լուսանկարիչ Մարիո Տեստինոյին: Ավելի վաղ հոլիվուդյան աստղը եղել Է Metiers d'Art Paris-Dallas 2013/14 հավաքածուի դեմքը, իսկ ընթացիկ տարվա մայիսին կներկայացնի Metiers d'Art Paris in Rome 2015/16 շարքը, հաղորդվում Է մամուլի տեղեկագրում:

Բրենդի ներկայացուցչի խոսքով՝ «Քրիսթեն Սթյուարթը, որպես ժամանակակից կնոջ մարմնավորում՝ անհավանական գրավիչ գեղեցկությամբ եւ ոգու ազատությամբ, կներկայանա Chanel-ի ոճով կնոջը մարմնավորող մի քանի կերպարներով:

Բացի գովազդային արշավներից, Սթյուարթը Գաբրիել Շանելի գլխավոր դերն Է խաղացել Կառլ Լագերֆելդի կողմից նկարահանված Once and Forever ֆիլմում, որի պրեմիերան 2015 թվականի դեկտեմբերին տեղի Է ունեցել Հռոմում՝ Chanel-ի դեֆիլեի ժամանակ:

Chanel նորաձեւության տունը մոդելագործ Գաբրիել (Կոկո) Շանելի կողմից հիմնադրվել Է Ֆրանսիայում 1909 թվականին: 1921 թվականին Շանելը պարֆյումեր Էռնեստ Բոյի հետ միասին թողարկել Է Chanel №5 մակնիշի առաջին բույրը: 1924 թվականին ձեռնարկատեր Պիեռ Վեյտեյմերի հետ համատեղ դիզայները հիմնել Է ընկերության Parfums Chanel պարֆյումերային ստորաբաժանումը, որը ներկայում զբաղվում Է նաեւ կոսմետիկայի արտադրությամբ:   

Քրիսթեն Սթյուարթը լայն ճանաչում Է ստացել «Մթնշաղ» վամպիրյան սագայում խաղացած դերի շնորհիվ: Դերասանուհին նաեւ նկարահանվել Է «Վախի սենյակ», «Ճերմակաձյունիկը եւ որսորդը», «Վայրի պայմաններում» եւ «Ճանապարհին» ժապավեններում:

2015 թվականին Սթյուարթը «Սեզար» ֆրանսիական կինոմրցանակին Է արժանացել «Զիլս-Մարիա» ֆիլմում երկրորդ պլանի դերի համար: