Չի բացառվում, որ դիվերսիա է եղել. համագյուղացին՝ Սյունիքում սպանության մասին
LifeՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Այս րոպեին ամեն ինչ էլ մտքովդ անցնում է, ամեն վարկածն էլ հավանական է։ Դիվերսիայի տարբերակն էլ էր տարածվում, այսօր մեր հանրապետությանը նայելով՝ ամեն ինչ էլ հնարավոր է, չի բացառվում։ Այս մասին այսօր MediaHub-ի հետ զրույցում ասաց Սյունիքի մարզի Ուժանիս գյուղի վարչական ղեկավար Սասուն Սարգսյանը՝ խոսելով համագյուղացու սպանության մասին։
Հիշեցնենք, որ երեկ սպանություն է տեղի ունեցել Կապանում։ Սպանվել է Զանգեզուրի պղնձամոլիբդենային կոմբինատի պահնորդ 56-ամյա Հայրապետ Մելիքսեթյանը։ Պահնորդը Կապանի թաղամասերից մեկում՝ Շղարշիկում, որը ԶՊՄԿ-ի բազմաթիվ պահակակետերից մեկն է, պոչատար գնացող խողովակաշարի վրա աշխատելիս է եղել։ Նրան սպանել են հրազենով, պատճառներն ու հանգամանքները դեռևս անհայտ են։
Դեպքի փաստով Հայաստանի Քննչական կոմիտեի Սյունիքի մարզային քննչական վարչությունում սպանություն հատկանիշներով նախաձեռնվել է քրեական վարույթ: Քննիչի որոշմամբ նշանակվել է դիակի դատաբժշկական փորձաքննություն:
Դատաբժշկի նախնական եզրակացության համաձայն, դիակի զննությամբ ՝մարմնի վրա հայտնաբերվել է հրազենային 6 վնասվածք, այդ թվում գլխի և որովայնի հատվածում:
«Մոտ 6 ամիս է, որ աշխատում էր ԶՊՄԿ-ում։ Նորմալ ընտանիք են, երբեք վատ բան չենք տեսել, մեկ որդի և մեկ դուստր ուներ։ Դուստրը Կապանում էր աշխատում, որդին էլ ԶՊՄԿ-ում։ Հարգված ընտանիք է, գյուղում չէին ապրում, հիմնականում շաբաթ-կիրակի գնում-գալիս էին, նայած, թե իրենց գործերն ինչպես էին դասավորում»,-ասաց գյուղապետը։
Սասուն Սարգսյանի խոսքով՝ ամեն ինչ պարզ կլինի դատաբժշկական փորձաքննությունից հետո։
«Չենք կարող որևէ ենթադրություններ անել, 6 կրակոցի մասին լսել ենք, բայց դե հստակ ոչինչ հիմա չենք կարող ասել։ Այդ մարդը թշնամիներ ունենալ չէր կարող, չեմ էլ կարծում, որ պարտքեր կունենար։ Մնում է սպասել, հասկանալ, թե ինչ է իրականում տեղի ունեցել»,- հավելեց մեր զրուցակիցը։
Նշենք, որ մեր տեղեկություններով՝ սպանվածի դուստրը Կապանի համայնքապետարանի Կրթության, մշակույթի և սպորտի բաժնի գլխավոր մասնագետն է:
1
2
3
4
5
1
2
3
4
5
2
