Սոթքում կրակոցները՝ տարբեր տրամաչափի զենքերից, մոտ 15-20 րոպե տևել են. Թագուհի Թովմասյան
Ուշադրության կենտրոնումՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ես չգիտեմ՝ ՊՆ-ն ինչու է հերքել, կամ հերքել է, թե ոչ, բայց ես Սոթքում քաղաքացիների հետ եմ խոսել, եւ ունեմ տեղեկություն, որ Սոթքում կրակոցները տևել են մոտ 15-20 րոպե՝ տարբեր տրամաչափի զենքերից: Այս մասին, այսօր ԱԺ-ում լրագրողների հետ զրույցում ասաց «Պատիվ ունեմ» խմբակցության պատգամավոր Թագուհի Թովմասյանը:
«Ես տեղեկացա «Գեոպրամայնինգ գոլդ» ընկերության աշխատկիցներից, որ իրենց անմիջապես տարհանել են հանքի տարածքից, որ հնարավոր վտանգները չեզոքացնեն, քանի որ, ըստ էության, եղել են անկանոն կրակոցներ», - ասաց նա:
Պատգամավորի խոսքով՝ այսօր հարաբերական անդորր է. մեկ-երկու խուլ ձայներ են լսվել շատ հեռվում. «Ինչ վերաբերվում է Տեղ համայնքում տեղի ունեցածին, ես ուզում եմ արձանագրել, որ նախ այն հատվածներում, որտեղ տեղի ունեցավ փոխհրաձգությունը, բավականին վերջերս է դարձել առաջնագիծ, եւ դուք տեսաք, որ այնտեղ առաջնագծի նմանվող որեւէ բան չկար: Այսինքն մենք չունենք պաշտպանական գիծ եւ չենք կարողանում պատկերացնել ընդհանրապես, թե մեր զինծառայողներն ինչպես պետք է իրականացնեն ՀՀ սահմանների պահպանությունը»,-ասաց նա:
1
2
3
4
5
1
2
3
4
5
1
3
4
