Կիպրոսի Լիմասոլի տարածքում նոր ֆոտովոլտային պարկ է կառուցվում

Dom.com.cy-ն գրում է, որ Լիմասոլի տարածքում կհայտնվի նոր ֆոտոգալվանային պարկ, որը հատուկ վահանակների միջոցով արևային էներգիան կվերածի էլեկտրականության։
Կիպրոսի շրջակա միջավայրի պահպանության վարչությունը ստացել է համապատասխան դիմում IACO Environmental & Water Consultants Ltd ընկերությունից:

Ըստ հաղորդագրության Ալեքտորա գյուղի հարևանությամբ կկառուցվի նոր ֆոտովոլտային պարկ։ Արևային էլեկտրակայանը կաշխատի նորագույն ֆոտովոլտային տեխնոլոգիայով։ Պարկի կառուցման համար հատկացված վայրում կտեղադրվեն մի քանի հարյուր արևային մարտկոցներ։ Դա թույլ կտա շրջակա տարածքի բնակիչներին նվազեցնել էներգիայի ծախսերը:

Ինչպես նշված է շրջակա միջավայրի վրա ազդեցության գնահատման ուսումնասիրության մեջ, ծրագրի վերջնական նպատակն է օգնել բավարարել տարածաշրջանի էներգետիկ կարիքները և նվազեցնել երկրի կախվածությունը ներմուծվող և չվերականգնվող էներգիայի աղբյուրներից:
Պարկը բաղկացած է լինելու 500 պանելներից՝ 26 ՄՎտ ընդհանուր հզորությամբ։ Այն տարեկան կարտադրի մոտ 1,5 հազար ԳՎտժ էներգիա։

Բնապահպանական ուսումնասիրության համաձայն առաջարկվող ծրագրի նախահաշվային արժեքը կկազմի շուրջ 3 մլն եվրո։ Նախատեսվում է, որ շինարարական աշխատանքները կսկսվեն արդեն 2023 թվականին և կտևեն մոտ ութ ամիս, իսկ նախագիծը նախատեսվում է ավարտել մեկ փուլով:

Քանի որ Կիպրոսում արևը շողում է տարեկան գրեթե 365 օր, էներգիայի տնտեսապես սպառման խնդիրը լուծվում է հիմնականում ֆոտոգալվանային պարկերի կառուցման միջոցով։
Ի տարբերություն այրվող ածխի, արևային էներգիան չի առաջացնում ջերմոցային էֆեկտ, որը սրում է գլոբալ տաքացումը: Բացի այդ, արևային էներգիան կարող է կարևոր և ծախսարդյունավետ դեր խաղալ հանածո վառելիքից Կիպրոսի կախվածությունը հաղթահարելու գործում:

Արեգակնային էներգիայի պահպանման բարելավված եղանակները կարող են նաև մեծացնել էլեկտրացանցերի ճկունությունը: Արևոտ օրերին լրացուցիչ էներգիա կուտակելով մարտկոցներն ապահովում են էներգիայի հասանելիությունը ավելի ամպամած եղանակին կամ երբ ցիկլոնները կտրում են ավանդական էլեկտրահաղորդման գծերը: Արդյունքում Կիպրոսի սպառողները կարող են ավելի հուսալի էներգիա ստանալ ավելի ցածր գնով: Ի դեպ, այս հավակնոտ ներդրումը ոչ միայն լավ կլիմայական քաղաքականություն է, այլ նաև մեծ հնարավորություն է Կիպրոսի համար ներդրումներ անելու իր և իր ապագայի մեջ։

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէլերգիայի ծախսը
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ [email protected]