Մի ճիշտ միտք կա, այն, որ շատ բաներ երկրում ուղղակիորեն կապված են հենց ընտրությունների հետ

Սանասար Կարապետյանը ֆեյսբուքյան իր էջում գրում է.

Մի ճիշտ միտք կա, այն, որ շատ բաներ երկրում ուղղակիորեն կապված են հենց ընտրությունների հետ:

Կարծում եմ շատ ճիշտ ու տեղին է, և մեր կյանքում ու երկրում տեղ գտած շատ անօրինակություններ և հոռի բարքեր անմիջականորեն կապ ունեն հենց ընտրական ինստիտուտ կամ մշակույթ կոչվածի հետ //մշակույթը վերապահումով//
Այ օրինակ ,եթե ՀՀ-ում հավուր պատշաճի հարգվեին մարդու իրավունքներն, ապա կկտրվեր այն շղթան, որով իշխանությունները ներթոփանցում են որոշակի դիրք ու պաշտոն ունեցողների ազգ-ընկեր-բարեկամների ոլորտ, ճշտումներ կատարում և պարտավորեցնում <գործի> մարդուն, ի օգուտ համապատասխան կուսակցության կամ նրա թեկնածուի օգտին ապահովել այդքան քվեներ , այն էլ ողջ Հայաստանի մասշտաբով:

Դէ մեխանիզմն աշխատում է: Բարեկամի, հարազատի, ընկերոջ լավը կամեցող ազգ ենք, նրա գործից դուրս գալը չուզող, և կոտրվում ենք: Բայց իրավմամբ կոտրվելը ավելի շատ նրանից է, որ այլ ժամանակներում էլ տարբեր <պատերի> դեմ առնելով վերջիններս էլ երբեմն-երբեմն դիմում են նույն այդ <գործի> մարդում ու աշխատում է .կամ գոնե հույս կա, որ աշխատի < ձեռքը ձեռք է լվանում, երկու ձեռքը երես> ասույթը:

Այ հենց դրա համար էլ Հայաստանը մարդու հիմնարար իրավունքների և ազատությունների մասով մասսամբ անազատ երկրների շարքից քայլ առաջ չի անում:
Մեկ այլ օրինակ.

Հայաստանը ըստ միջազգային անկախ կազմակերպության «Կոռուպցիան աշխարհում 2015 թ.» զեկույցում ունի 35 միավոր անցած տարվա 37-ի փոխարեն՝ զբաղեցնելով 95-րդ հորիզոնականը թվով 167 երկրների շարքում: Բանաձևը այստեղ հետևյալն է՝ որքան ցածր են միավորները, այնքան ավելի բարձր է կոռուպցիայի մակարդակը տվյալ երկրում:
Դէ հիմա եթե ընտրություններում ակնկալիքը լիներ ժողովրդի, հասարակության մեջ վստահության գործոնը, և ոչ թե աշխատեր կաշառքի մեխանիզմը, ապա երևի մի քիչ առաջընթաց ունենայինք այդ առումով:

Մի խոսքով, ցանկացած իրավիճակ կարելի է կապել ընտրությունների հետ և արմատները ուղղակի փնտրել այնտեղ և դրանում չսխալվել:
Հ.Գ. Տար աստված սխալվեինք)))))