ՀՀ հատուկ քննչական ծառայության անկախությունն էլ ավելի է ամրապնդվել. Վլադիմիր Հովհաննիսյան
Հասարակություն
ՀՀ հատուկ քննչական ծառայության գործունեության արդյունավետության բարձրացման հետ մեկտեղ էլ ավելի է ամրապնդվել ծառայության անկախությունը: Այս մասին հատուկ քննչական ծատայության ընդլայնված խորհրդի նիստում նշեց ՀՀ հատուկ քննչական ծառայությանպետի տեղակալ, արդարադատությանգնդապետ Վլադիմիր Հովհաննիսյանը:
«ՀՀ հատուկ քննչական ծառայությունը կարողացել է պատվով կատարել իր առանձնահատուկ գործառույթները՝ ՀՀ սահմանադրությամբ, ՀՀ քրեական դատավարության օրենսգրքով, «Հատուկ քննչական ծառայության մասին» ՀՀ օրենքով, ՀՀ միջազգային պայմանագրերով և այլ իրավական ակտերով սահմանված՝ օրինականության, մարդու և քաղաքացու իրավունքներն ու ազատությունները, պատիվն ու արժանապատվությունը հարգելու, մարդասիրության ու հրապարակայնության սկզբունքների անշեղ պահպանմամբ: Դրա մասին են վկայում դատավարական սեղմ ժամկետում, տակտիկապես գրագետ, բազմակողմանի, օբ յեկտիվ և լրիվ քննություն ապահովելու օրենսդրական պահանջի լիարժեք կատարմամբ իրականացված մի շարք վարույթներ»,-«Արմենպրես»-ի փոխանցմամբ` շեշտեց նա` անդրադառնալով 2015-ին կատարած աշխատանքներին:
Վլադիմիր Հովհաննիսյանի խոսքով` ծառայության գործունեության արդյունավետության բարձրացման հետ մեկտեղ էլ ավելի են ամրապնդվել ծառայության անկախությունը, ծառայության ծառայողների գործունեության կազմակերպաիրավական, սոցիալական բավարար երաշխիքները:
«Քննչական աշխատանքներում ապահովվել է նախադեպային իրավունքի անմիջական կիրառումը, ինչպես նաև տեսություն-պրակտիկա ներդաշնակ կապը»,- իր ելույթում ընդգծեց ՀՀ հատուկ քննչական ծառայության պետի տեղակալը:
Վլադիմիր Հովհաննիսյանի խոսքով՝ իհարկե, առկա են որոշակի թերություններ, չլուծված խնդիրներ: Մասնավորապես` նա շեշտեց, որ ոչ միշտ են կազմվում քննության պլաններ: Դրանք չպետք է ձևական բնույթ կրեն: Բացի այդ, նա հավելեց, որ բարելավվել է բարոյահոգեբանական մթնոլոտը, թեև այս առումով էլի անելիքներ կան:
1
2
3
4
5
1
2
3
4
5
1
2
3
4
5
