Աշխարհի ամենավտանգավոր դելիկատեսները

Orer.am-ը ձեր ուշադրությանն է ներկայացնում աշխարհի ամենավտանգավոր դելիկատեսները:

Ճայի գինի

Ո՞վ է ասել, որ գինին հնարավոր է պատրաստել միայն մրգերից, հատապտուղներից կամ ծայրահեղ դեպքում՝ բանջարեղեններից:

Ինուիտները՝ ծագումով Կանադայից էսկիմոսները, հիանալիորեն առանց դրանց են կարողանում ապրել: Հարկավոր է միայն որսալ ճայ ու գցել ջրով լի տակառը: Մի քանի օրից, որի ընթացքում ըմպելիքը թրմվում է արևի տակ, ճայի գինին պատրաստ է օգտագործման համար:

Ֆուգու

Ասում են՝ չափազանց համեղ ձուկ է: Հակառակ դեպքում ոչնչով չես բացատրի այս հայտնի ձկան տարածվածությունը: Ֆուգուն պարտադիր մատուցվում է հում վիճակում: Խոհարարը, ում թույլատրում են պատրաստել այս ռիսկային ուտեստը, պարտադիր պետք է անցնի սերտիֆիկացման կուրսեր: Ուսուցումը տևում է մոտ 1 տարի: Ձկան ներքին օրգանները պարունակում են մահացու տետրոդոտոքսին, ինչը ցիանիդից 1200 անգամ ուժեղ է:

Փորձառու խոհարարը պետք է ֆուգուն այնպես պատրաստի, որ համադամասերը լեզվի ծայրին զգա թեթևակի ծակոց (թույնի մնացորդը) ու միևնույն ժամանակ, չանհանգստանա իր նյարդային համակարգի հնարավոր կաթվածի համար:

Սաննակչի

Փաստացի, սաննակչի խվեն ընդամենը կորեական խոհանոցի ուտեստի անվանումն է: Այն փորձել խորհուրդ է տրվում միայն համարձակ եվրոպացիներին, ովքեր չեն վախենում էքսպերիմենտներից:

Լայն մատուցարանով մատուցվում է քունջութի յուղով համեմված կենդանի ութոտնուկ, այսինքն ութոտնուկ, որին հենց նոր են մասնատել: Նրա մկանները դեռ կծկվում են անգամ բերանի մեջ ու միանգամայն ի վիճակի են խեղդել մարդուն: Վերջին նման դեպքը տեղի է ունեցել 2008-ին:

Խաուկառլ

Իռլանդական ազգային ուտեստ է, որը ինքնին գրենլանդական բևեռային շնաձկան նեխած միս է: Այն թարմ վիճակում ընդհանրապես հարկավոր չէ ուտել:

Շնաձուկը չունի երիկամ, այդ պատճառով էլ ամբողջ միսը պարունակում է մեծ քանակությամբ միզանյութ: Հնարամիտ վիկինգները մտածել էին միսը բաժանել մասերի ու թաղել հողի մեջ 8 շաբաթով: Միզանյութը այդ ժամանակ ներծծվում էր հողի մեջ, իսկ միսը՝ նեխում:

Կոպալխեմ

Չուկոտկայի խոհանոցի գլխավոր դելիկատեսներից է: Հնարավոր չէ առանց զզվանքի նայել այդ ուտեստին, եթե այդ վայրերի բնակիչ չեք:

Մի քանի օր քաղցած եղնիկին (հարկավոր է աղիքային համակարգը մաքրելու համար) քշում են ճահիճ, խեղդում, որ չվնասեն մորթին, ու մարմինը թողնում ճահճի մեջ: Մի քանի ամսից դելիկատեսը պատրաստ է: Ուտեստը ունի մի յուրահատկություն՝ միսն ուտել ու չթունավորվել նեխած մարմնից կարող են միայն հյուսիսի բնիկները:

Մյուսների համար, ուտեստը, ամենայն հավանականությամբ, կդառնա իրենց վերջին ուտեստը կյանքում:

Կազու մարցու պանիր

Եվս մեկ էքստրագավանտ ուտեստ, որի հայրենիքը Սարդինիան է: Որպեսզի ճիշտ պատրաստեն կազու մարցու պանիրը, հնարամիտ իտալացիները դրանում բնակեցնում են պանրի ճանճի թրթուրներ: Որդերը սնվում են պանրով, ինչի հետևանքով էլ այն ստանում է յուրահատուկ համ ու հոտ:

Ի դեպ, պանիրը մատուցվում է որդերի հետ միասին, որոնք կարող են ողջ-ողջ հայտնվել ստամոքսում ու այնտեղ բուռն գործունեություն հարուցել՝ առաջացնելով փսխում ու ցավեր որովայնում: