Վարդան Մինասյանը կարծում է՝ Սպերցյանը պատրաստ է Եվրոպա տեղափոխությանը

Ցանկանու՞մ ես ստանալ Ավտովարկ ընդամենը մեկ օրում։ Պարզապես դիմիր առցանց, լրացրու օնլայն հայտը ԱՅՍՏԵՂ և մեր մասնագետները հաշված րոպեների ընթացքում կապ կհաստատեն քեզ հետ։ Լրացրու հենց հիմա

Հայաստանի հավաքականի նախկին գլխավոր մարզիչ Վարդան Մինասյանը մեկնաբանել է ազգային թիմի և «Կրասնոդարի» կիսապաշտպան Էդուարդ Սպերցյանի հնարավոր տեղափոխությունը եվրոպականա առաջնությունը: Մինասյանի կարծիքով՝ հոլանդական ՊՍՎ տեղափոխությունն ամենաօպտիմալ տարբերակն է.

«Կարծում եմ՝ Սպերցյանը հիմա պատրաստ է Եվրոպա տեղափոխությանը: Նա հիմա 22 տարեկան է, իսկական ժամանակն է ավելի ուժեղ առաջնություն տեղափոխվելու համար, քանի որ կարող են մենթալիտետի հետ կապված խնդիրներ առաջանալ, իսկ այս տարիքում նա արագ կադապտացվի:

ՊՍՎ-ն լավ տարբերակ է: Հոլանդիայում միջին կարգի առաջնություն է. չի մտնում թոփ-5-յակի մեջ, բայց նրանց շուկան լավն է, այնտեղից խաղացողները տեղափոխվում են եվրոպական թոփ-5 առաջնություններ: Նրա խաղը համապատասխանում է հոլանդական դպրոցին, նրա մոտ ամեն ինչ լավ կլինի:

Էդուարդն այնպիսի ակումբ պետք է տեղափոխվի, որ խաղային պրակտիկա ստանա, ոչ թե նստի պահեստայինների նստարանին: Ֆուտբոլիստը պետք է խաղա, այդ իսկ պատճառով ավելի լավ է քայլ առ քայլ առաջ գնալ, ոչ թե միանգամից տեղափոխվել ուժեղ առաջնություն:

Եթե նույնիսկ մենք նայենք Հենրիխ Մխիթարյանի կարիերային, ապա նա ևս քայլ առ քայլ առաջ գնաց և աստիճանաբար ավելի ուժեղ ակումբներ տեղափոխվեց: Սպերցյանի և Մխիթարյանի համեմատությո՞ւնը. չեմ ցանկանում նրանց համեմատել, իրավիճակները կարող են տարբեր լինել՝ հաշվի առնելով այն, թե ամեն ինչ ինչպես կասավորվի: Բայց այն, որ Սպերցյանը որակյալ ֆուտբոլիստ է, հաստատ է: Նա կարող է լինել Հայաստանի հավաքականի առաջատարը: Նա ունի պոտենցիալ, բայց ֆուտբոլիստի աճը կախված չէ միայն տաղանդից»,- Մինասյանի խոսքերն է փոխանցում Metaratings-ը:

Ավելի վաղ Սպերցյանը հայտարարել է, որ  ոչ մի առաջարկ չի ստացել մնացած ակումբներից և մտադիր է կարիերան շարունակել «Կրասնոդարում»:

ՌՊԼ ընթացիկ մրցաշրջանի 16 խաղում Սպերցյանը դարձել է 9 գոլի և 6 գոլային փոխանցման հեղինակ: