Մեծ Պահք. արգելված ուտեստների ցանկը

Սեղմեք  ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Փետրվարի 16-ից սկսվում է Մեծ Պահքի շրջանը: Այն տևում է 48 օր` Բուն Բարեկենդանից մինչև Ս. Հարության (Զատկի) տոնի նախօրեն: Այս տարի Ս. Հարության տոնը կնշվի ապրիլի 5-ին:

Պահքի շրջանում օգտագործում են բացառապես բուսական ծագում ունեցող սննդամթերք: Արգելվում են հետեւյալ մթերքները`

միս, այդ թվում եւ ձուկ, երշիկեղեն, կաթնամթերք (թթվասեր, պանիր, քաղցր պանրիկներ, կեֆիր, մածուն), կարագ, յուղ, ձու: Քաղցրավենիքից նույնպես պետք է հրաժարվել, քանի որ դրանց մեջ կենդանական ծագման մթերքներ կան: Մեղրը մի ժամանակ (Ս. Գր. Տատրացու ժամանակներից) թույլ էր տրվում, քանի որ չգիտեին, որ արտադրվելիս այն անցնում է մեղվի ստամոքսով եւ, փաստորեն, կենդանական ծագում է ձեռք բերում: Այժմ պահք պահողները պետք է նաև մեղրից հրաժարվեն` նկատի ունենալով նաեւ, որ այն մարմինը զորացնող կերակուր է:

Պահքի շրջանում արգելվում է նաեւ ալկոհոլ օգտագործել, այդ թվում եւ գինի:

Ձեր սննդակարգը պետք է բաղկացած լինի մրգերից, բանջարեղենից, հատիկավորներից: Սակայն Պահքը չի սահմանափակվում միայն կենդանական սննդից հրաժարումով: Այն առաջին հերթին հոգեկան ու բարոյական տարատեսակ ախտերից ու մոլություններից, վատ մտքերից, խոսքերից ու գործերից մաքրվելն է: Պահքի ընթացքում հրաժարվում են ոչ միայն որոշակի կերակուրներից, այլեւ մոլի սովորություններից, շատախոսությունից, ստախոսությունից, հայհոյանքից եւ այլ մեղքերից:

Հիշեք` կերակրից հրաժարվելն առանց մեղքից հետ կանգնելու` անօգուտ է: