49 ամյա Սինդի Քրոուֆորդը հեռանում է մոդելային բիզնեսից
Life
49-ամյա Սինդի Քրոուֆորդը պաշտոնապես հայտնել է, որ հեռանում է մոդելային բիզնեսից: Ինչպես գրում է TMZ-ը, Սինդին որոշել է այսուհետ այլեւս որպես մոդել չլուսանկարվել:
«Ես վստահ եմ, որ 10 տարի հետո էլ եմ նկարահանվելու, բայց արդեն ոչ որպես մոդել: Արդեն հոգնել եմ, ու իմ կարծիքով դա նորմալ է: Ես իմ կարիերայի ընթացքում հասցրել եմ աշխատել ապշեցուցիչ լուսանկարիչների հետ: Ուրիշ ի՞նչ պետք է անեմ: Ես ինքս ինձ ապացուցելու որեւէ բան այլեւս չունեմ: Ես պարզապես չեմ ուզում անել դա»,- պատմել է մոդելը:
Վերջին մի քանի ամիսներին Սինդին ամբողջ եռանդով աշխատում էր իր Becoming Cindy Crawford «Դառնալ Սինդի Քրոուֆորդ» գրքի վրա: Վերջին հարցազրույցում թոփ մոդելը խոստովանել էր, որ դա մոդելային կարիերային հրաժեշտ տալու յուրօրինակ ձեւ էր:
«Գուցե ոչ թե հրաժեշտ եմ տալիս այս ամենին, այլ պարզապես առաջ եմ շարժվում»,- բացատրում է Քրոուֆորդը:
Աստղի ցանկությունը միանգամայն օրինաչափ է: Սինդին երկու սքանչելի երեխաների՝ 14- ամյա Քայա Գերբերի ու 16-ամյա Փրեսլի Գերբերի մայր է: Նրանք երկուսն էլ հաջող դեբյուտ են ունեցել մոդելային բիզնեսում ու գնում են իրենց հանրահայտ մոր հետքերով:
1
2
3
4
5
1
2
3
4
5
5
