Մի շարք երկրներ սիրիացի փախստականներին ավելի քիչ են օգնում, քան կարող են. Oxfam

 Սիրիական հակամարտության մեջ ներքաշված մի շարք երկրներ բավարար օգնություն չեն ցուցաբերում սիրիացի փախստականներին: Այդ մասին, ինչպես տեղեկացնում Է «Արմենպրես»-ը, հաղորդվում Է Oxfam ոչ առեւտրային կազմակերպության զեկույցում, որի գործունեությունը նվիրված Է աղքատության դեմ պայքարին:

Ինչպես նշում Է Reuters գործակալությունը, այդ երկրների թվում Oxfam-ը նշել Է Ռուսաստանը, Սաուդյան Արաբիան եւ Ֆրանսիան, որոնք, նրա տվյալներով, զգալիորեն ավելի քիչ գումար են հատկացրել, քան պահանջվում Է «հումանիտար օգնության այն բաժնի «արդարացի բաշխմանը» համապատասխան, որը պետությունը կարող Է նվիրաբերել՝ կախված տնտեսական զարգացման մակարդակից: 2015 թվականին համաշխարհային հանրակցությունը կարողացել Է նվիրաբերել անհրաժեշտ 8,9 մլրդ դոլարի միայն 56,5 տոկոսը:

Ինչպես իր զեկույցում գրում Է Oxfam-ը, Ռուսաստանը նվիրաբերել «արդարացի բաշխման» իր բաժնի միայն 1 տոկոսը եւ չի մասնակցել սիրիացի փախստականներին ընդունելու գործին, իսկ Պարսից ծոցի երկրները ներգրավված չեն փախստականների բաշխման ծրագրում, քանի որ չեն ստորագրել ՄԱԿ-ի համապատասխան կոնվենցիան: Սաուդյան Արաբիան պարտավորությունները կատարել Է 28 տոկոսով:

Ֆրանսիայի իշխանությունները կարողացել են հատկացնել իրենց հնարավոր բաժնի 45 տոկոսը, ընդ որում՝ 2015 թվականին իրենց տարածքում ընդունել են 5 հազար սիրիացի փախստականների: ԱՄՆ-ը իր պարտավորությունները կատարել Է 76 տոկոսով: Ամերիկացիները պարտավորություն են ստանձնել մինչեւ 2020 թվականի մայիս ապաստան տալ առնվազն 10 հազար փախստականների, բրիտանացիները համաձայնել են ընդունել 20 հազար փախստականի:

Առանձին երկրներ գերազանցել են իրենցից պահանջվող օգնության ծավալը: Դանիան հատկացրել Է իր բաժնի 318 տոկոսը, Նորվեգիան՝ 385 տոկոսը, իսկ Մեծ Բրիտանիան՝ 237 տոկոսը: Կանադան, Նորվեգիան եւ Գերմանիան խոստացել են ավելի շատ փախստականների ընդունել, քան դա պահանջում Էր երկրների միջեւ արդարացի բաշխումը, հաղորդել Է ՌԻԱ Նովոստին: