Հայտնի են «Ոսկե գլոբուս 2023»-ի հաղթողները (լուսանկարներ)
ՄշակույթՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Լոս Անջելեսում կայացել է «Ոսկե գլոբուս» 80-րդ մրցանակաբաշխությունը։ Միջոցառման գլխավոր հաղթողներն էին ռեժիսոր Սթիվեն Սփիլբերգը, դերասանուհի Քեյթ Բլանշեթը և դերասան Օսթին Բաթլերը, գրում է BBC-ն:
Սփիլբերգն արժանացել է «Լավագույն ռեժիսոր» մրցանակին` «Ֆաբելմանները» ֆիլմի համար, որում հայտնի հոլիվուդյան ռեժիսորը մասամբ նկարագրել է իր երիտասարդությունը: Ֆիլմը հաղթել է նաև «Լավագույն ֆիլմ» անվանակարգում։
Քեյթ Բլանշեթը «Ոսկե գլոբուս» է ստացել «Լավագույն դերասանուհի» անվանակարգում՝ «Թառ» ֆիլմի համար. նա մարմնավորել է Բեռլինի ֆիլհարմոնիկ նվագախմբի դիրիժորին։ Դերասանուհին չի մասնակցել արարողությանը, քանի որ այժմ նկարահանվում է Մեծ Բրիտանիայում։
Օսթին Բաթլերն արժանացել է «Լավագույն դերասան» մրցանակին` «Էլվիս» ֆիլմի համար, որը հայտնի երգիչ Էլվիս Փրեսլիի մասին կենսագրական կինոնկար է: Դրա ռեժիսորն է Բազ Լուրմանը:
Իռլանդացի դերասան Քոլին Ֆարելը հաղթել է «Կատակերգության/մյուզիքլի լավագույն դերասան» անվանակարգում՝ «Ինիշերինի բանշերը» տրագիկոմեդիայի համար: Այս կինոժապավենը լավագույնն է ճանաչվել նաև «Լավագույն կատակերգություն/մյուզիքլ» անվանակարգում. «Ոսկե գլոբուս» է ստացել նաև դրա սցենարիստ Մարտին Մակդոնահը։
Միշել Յեոն պարգևատրվել է որպես կատակերգության/մյուզիքլի լավագույն դերասանուհի՝ «Ամեն ինչ ամենուր, բոլորը միանգամից» գիտաֆանտաստիկ կատակերգության համար, որը պատմում է զուգահեռ տիեզերքներում կյանքի մասին։
«Լավագույն անիմացիոն ֆիլմ» անվանակարգում հաղթել է Գիլերմո դել Տորոյի «Պինոկիո»-ն:
«Վիշապի տունը»՝ «Գահերի խաղի» պրիքվելը, ճանաչվել է լավագույն հեռուստասերիալ:
Այս տարվա արարողությունն առաջինն էր կորոնավիրուսի համավարակի պատճառով ներդրված կարանտինային միջոցառումների վերացումից հետո։ Դրան մասնակցել են բազմաթիվ աստղեր, այդ թվում՝ երգչուհի Ռիհաննան, դերասաններ Բրեդ Փիթն ու Մարգո Ռոբին։
1
2
3
4
5
1
2
3
4
1
2
3
4
5
