Շվեյցարիան պատրաստվում Է ամսական 2500-ական եվրո վճարել իր քաղաքացիներին
Միջազգային
Շվեյցարիայում քննարկվելու Է առաջարկություն, ըստ որի՝ երկրի յուրաքանչյուր քաղաքացի, անկախ այն բանից՝ աշխատում Է նա, թե ոչ, ամեն ամիս կստանա 2500 շվեյցարական ֆրանկ (մոտավորապես 2500 եվրո): Ենթադրվում Է երեխաներին վճարել 625-ական ֆրանկ, տեղեկացնում Է«Արմենպրես»-ը:
Ինչպես նշում Է The Independent-ը, դաշնային կառավարությունն արդեն որոշել Է, որ այդ հարցի շուրջ ընդհանուր քվեարկությունը կկայանա հունիսին:
Եթե նախաձեռնությունը հավանության արժանանա, Շվեյցարիան կդառնա առաջին երկիրը, որի քաղաքացիների համար նվազագույն ամսական եկամուտ կերաշխավորվի՝ անկախ ամեն ինչից:
Demoscope ընկերության հետազոտությունը ցույց Է տվել, որ շվեյցարացիների մեծամասնությունը մտադիր Է շարունակել աշխատել, նույնիսկ եթե այդ օրենքն ընդունվի: Հարցվածների միայն 2 տոկոսն Է հայտարարել, որ կազատվի աշխատանքից, եթե իրենց 2500 ֆրանկ ամսական վճարումներ երաշխավորվեն:
Ընդ որում՝ 1076 հարցվածների մեկ երրորդը համոզված Է, որ մնացած քաղաքացիները կդադարեն աշխատել, եթե օրենքն ընդունվի: Հարցված շվեյցարացիների 56 տոկոսն այն կարծիքին Է, որ նախագիծը հավանության չի արժանանա:
Եթե որոշումը, այնուամենայնիվ, դրական լինի, այդ նախաձեռնությունը Շվեյցարիայի վրա տարեկան կնստի 208 մլրդ շվեյցարական ֆրանկ, հաղորդել Է «Ինտերֆաքս»-ը:
1
2
3
4
5
1
2
3
5
3
5
