Արցախի պետնախարարը բարձրաձայնել է բացասական երևույթները. Հրաժարվել ջայլամի քաղաքականությունից
Արցախի պետնախարար Ռուբեն Վարդանյանը նոր ցնցումներ է առաջացրել Արցախի և Հայաստանի քաղաքական որոշ շրջանակների և նրանց սպասարկողների շրջանում։ Պետնախարարը համարձակվել է անդրադառնալ շրջափակման օրերի ընթացքում տեղի ունեցող բացասական երևույթներին՝ դրանք անընդունելի որակելով, ընդ որում մի քանի դրվագներ, որ ներկայացրել է Ռուբեն Վարդանյանը բավական լուրջ և խիստ մտահոգիչ են։
Նշելով, թե մենք բոլորս մի նավի մեջ ենք, Ռուբեն Վարդանյանը կոչ է արել ամեն ինչ կիսել միմյանց հետ, չշարժվել անձնական շահով։ «Չեմ ընդունում, որ մարդը հնարավորություն ունի մի քանի տոննա բենզին փոխանակել ինչ-որ մարդկանց հետ, իր երեխաները, ընտանիքը օգտագործեն դա, քշեն մեքենա, եթե ինքն այդքան լավ տղա է, ճարել է այդ բենզինը, պիտի գար շտաբ, ասեր հնարավորություն եմ ունեցել, ճարել եմ, բոլորս մի նավի մեջ ենք»,- ասել է Ռուբեն Վարդանյանը և հավելել՝ «Չի ընդունում այն մարդուն, որը հնարավորություն է ունեցել պայմանավորվել խաղաղապահների կամ մեկ ուրիշի հետ, ուտելիք բերել ու թանկ գնով վաճառել քաղաքացիներին, ես չեմ ընդունում մարդկանց, ովքեր փորձում են փող աշխատել այս դժվարությունների ժամանակ»,- ասել է պետնախարարը։
Խիստ բացասական այս երևույթների բարձրաձայնումը միանշանակ դրական է և ապագայում հնարավորություն կտա կանխել այլ հնարավոր խնդիրներ, իսկ մարդիկ, որոնք Արցախի 120 հազար բնակիչների ծանր պայմաններն օգտագործում են անձնական հարստացման համար, ոչնչով չեն տարբերվում ադրբեջանցիներից։
Հանրության մի հատվածը՝ ինչպես նաև քաղաքական ուժերն ու նրանց սպասրկուները, ձայնը կտրելու փոխարեն սկսել են մեղադրանքներ հղել պետնախարարին, հայտարարել, թե նա չպետք է այդպիսի բան հայտարարեր, լեզու դներ թշնամու բերանը, այլ ընդհակառակը, պետք է կոծկեր նման դեպքերը։
Սա ընդհանրապես խոսում է հասարակության և քաղաքական միավորների դեգրատացիայի մասին։ Որոշ մարդիկ պատրաստ են ջայլամի պես գլուխները պահել ավազի մեջ, վնասել նույնիսկ սեփական ժողովրդի շահերը, միայն թե այդ մասին չբարձրաձայնեն, մինչդեռ այն ինչ անում է Ռուբեն Վարդանյանն իրականում, միակ հնարավոր տարբերակն է բացասական երևույթների դեմն առնելու, մարդկանց բացատրելու իրենց արարքի անընդունելիությունը և հասկացնելու, որ նման կերպ անհնար է։
Ի դեպ, օպերատիվ շտաբը, որը ղեկավարում է պետնախարարը, արդեն իսկ լրջագույն քայլեր է ձեռնարկում բացասական երևույթների դեմն առնելու համար, մասնավորապես բաժանվող սննդամթերքի համար խանություների վրա հստակ տոկոս է դրել, իսկ բնակչության հաշվին հարստացողներին անպայման պատժելու են։
Մայիս Գուլքանյան
1
2
3
4
5
1
2
3
4
5
1
2
3
5
