Արցախի պետնախարարի դեմ կեղտոտ արշավը շարունակվում է, բայց ձախողվելու է
Արցախի պետնախարար Ռուբեն Վարդանյանը հայտնվել է մամուլի և քաղաքական որոշ շրջանակների կեղտոտ արշավի տիրույթում։
Երեկ տեղեկություններ են տարածվել, թե իբր լարվածություն կա Ռուբեն Վարդանյանի և Հայաստանում նրան պատկանող ընկերությունների ղեկավար կազմի մեջ։ Նշվում է, թե իբր Արցախի պետնախարար նշանակվելուց հետո Ռուբեն Վարդանյանը պահանջել է իր երկու միլիոն դրամից ավելի աշխատավարձ ստացող աշխատակիցների ցուցակները և հրահանգել Արցախում բնակարան գնել։
Նշվում է, թե ցուցակներում մոտ 150 հոգու անուն կա, և այդ մարդիկ ամեն գնով պատրաստ են ներդրումներ չանել Արցախում։ Ըստ էության, այս և մյուս բոլոր կեղծ տեղեկությունները հերթական անգամ վկայում են, որ Ռուբեն Վարդանյանի ձեռնարկած կառավարման մոդելի փոփոխությունը, արդյունավետ աշխատանքն Արցախում և այլ քայլերը, ինչպես նաև Արցախում իրենց ժամանակին արտոնյալներ զգացողներին սանձերը քաշելու գործողությունները լրջորեն մտահոգել են մի ամբողջ շարք շրջանակների՝ ընդհուպ տեղեկություններ են շրջանառվում, թե բացահայտ դիմակայություն կա Արցախի անվտանգության խորհրդի քարտուղար Վիտալի Բալասանյանի և Ռուբեն Վարդանյանի միջև։
Նախ ոչ Բալասանյանը, ոչ էլ Արցախում գտնվող որևէ այլ պաշտոնյա չունի այդպիսի հնարավորություններ, նաև հմտություններ և որակներ, որպեսզի կարողանա բացահայտ դիմակայության մեջ մտնել Ռուբեն Վարդանյանի հետ, ընդհակառակը, լավագույն դեպքում փորձելու են հայաստանյան մամուլի դեղին էջերի միջոցով ցեխ նետել Ռուբեն Վարդանյանի վրա, ինչը, իհարկե, անլուրջ և անհեթեթ գործ է։
Ի տարբերություն այդ մամուլից ահաբեկված պաշտոնյաների՝ հատկապես արցախյան, Ռուբեն Վարդանյանը և նրա թիմը հրաշալի գիտեն թե որտեղից են փչում քամիները և անհրաժեշտության դեպքում կկարողանան պատասխանել նաև դրանց։
Ինքը՝ պետնախարարը, երեկ ուղիղ եթերում հայտարարել էր, որ որևէ նման գործողություն իրենց դեմ թափվող կեղծ ու ֆեյք լուր չի կարող իրենց հետ պահել բռնած ուղղուց։ Ուստի և հորդորել էր լրջանալ, թերևս այդ հորդորը պետք է տարածել ոչ միայն արցախյան նախկին արտոնյալների, այլ նաև բազմաթիվ այլ պաշտոնյաների ու նրանց սպասարկող լրագրողների վրա։
Լինա Արամյան
1
2
3
4
5
1
2
3
4
5
1
2
3
5
