ՀԱՊԿ-ի կողմից գնահատական չի տրվել Ադրբեջանի օկուպացիոն գործողություններին, բայց իսկապես եղել է կետ, որը նախատեսում էր ՀՀ-ին ռազմատեխնիկական օգնություն տրամադրել․ Խաչատրյան

Դարձի՛ր gg-ի գործընկերը և վաստակիր մինչև 1.000.000 դրամ

Պարզապես անցիր ԱՅՍ հղումով և լրացրու օնլայն հայտը՝  https://bit.ly/ggPartners_past_am

Մանրամասներ, իհարկե, բացահայտել չեմ կարող, քանի որ նախագիծը գաղտնի է։ Բայց ասեմ, որ իսկապես եղել է կետ, որը նախատեսում էր Հայաստանին ռազմատեխնիկական օգնություն տրամադրել։ Այս մասին ԱԺ-ում հայտարարեց ՔՊ պատգամավոր Արմեն Խաչատրյանը՝ անդրադառնալով ՀԱՊԿ գլխավոր քարտուղար Ստանիսլավ Զասի այն դիտարկմանը, թե հայկական կողմին օժանդակություն ցուցաբերելու հարցում  ՀԱՊԿ-ն ամբողջությամբ իր պարտականություններն արել է ու հայկական կողմը պետք է ընդուներ այդ օժանդակությունը:

«Ցուցակ, իհարկե, չկար, թեև հայկական կողմը ՀԱՊԿ–ին տվյալներ էր փոխանցել սպառազինության և ռազմական տեխնիկայի առաջնահերթ կարիքների մասին»,-  ասաց նա։

Խաչատրյանը ընդգծեց, որ  ՀԱՊԿ-ի կողմից գնահատական չի տրվել Ադրբեջանի օկուպացիոն գործողություններին, մյուս գործողությունները դրանից պետք է բխեին. «Եթե դա չի արվել, միանշանակ է, որ մնացած քննարկումներն ու ինչ-որ բաների համաձայնելը տեղին չէ»:

Պատգամավորի համոզմամբ՝ ՀԱՊԿ-ն իր պարտավորությունները չի կատարել. «Պետք է նախ գնահատական տրվեր Ադրբեջանի գործողություններին, հայտարարություն աներ, որ այս պահի դրությամբ Ադրբեջանը ագրեսոր է ու յուրացրել է ՀՀ տարածքը, որին պետք է հետևեր ռազմական և այլ օգնությունը: Իսկ հիմա ի՞նչ օգնության մասին կարող է խոսք լինել, օգնությունը տալիս են, որ ի՞նչ անեն,  ի՞նչ հարց լուծենք: Ռազմական տեխնիկան տրվում է, որ ի՞նչ անենք մենք: Ես վստահություն չունեմ, որ զենք պիտի տային, գուցե հումանիտար օգնության մասին էր՝ գուցե սնունդ և այլն, բայց եթե գնահատական չի տրվում, ինչի՞ համար են օգնություն տալիս Հայաստանին, ո՞ւմ դեմ պայքարի Հայաստանը, այդ օգնությունը ո՞նց կիրառի»:

Լրագրողների հարցին, թե Ստանիսլավ Զասը վստահեցրել է, որ ռազմական օգնություն էր նախատեսվում ՀԱՊԿ օժանդակության  փակ, գաղտնի փաստաթղթով, Հայաստանն էլ զենքերի իր ունեցած կարիքների ցուցակը ներկայացրել է, ՀՀ-ին զենք պետք չէ՞ր, չէինք կարո՞ղ ռուսական զենքը վերցնել ու կռվել թշնամու դեմ, Խաչատրյանը պատասխանեց. «Մենք զենքի անհրաժեշտություն շատ ունենք և այս ուղղությամբ ՀՀ կառավարությունը բավականին գործուն քայլեր է իրականացնում, այդ թվում՝ ՌԴ-ի հետ: Անկախ նրանից, թե Զասը ինչ է հայտարարում, կամ չի հայտարարում, եթե այն պայմանագրերը, որ կան, ի գործ դրվեն, դա արդեն Հայաստանի համար մեծ ձեռքբերում կլինի: Կրկնում եմ, վստահ չեմ, որ որևէ ռեալ, տեսանելի ռազմական օգնություն պետք է լիներ»: