Ի՞նչ հատկանիշներով պետք է օժտված լինի իդեալական սիրուհին. Top 5

Ի՜նչը կըհաղթի կյանքում հերոսին,

Թե չըլինին

Կինն ու գինին:

Հատված Հ. Թումանյանի "Թմկաբերդի առումը" պոեմից

Նախորդ ակնարկներում տեսանք՝ ինչպես է փոխվում կնոջ նկատմամբ ակնկալիքների աստիճանակարգությունը՝ կախված նրա սոցիալական դերերից՝ որպես կին-արմատ, մայր և տնտային տնտեսուհի:

Անդրադառնանք կնոջ մեկ այլ՝ ոչ միշտ ընդունելի սոցիալական դերի՝ սիրուհու նկատմամբ ակնկալիքներին: Դժվար չէ կռահել, որ այս հարցում ցուցակի առաջար տեղերում չենք տեսնի այնպիսի հատկանիշներ, ինչպիսիք են հոգատարությունը, տնտեսվարությունը, կազմակերպվածությունը, որոնք առաջնային են կնոջ այլ դերերի համար:

Այսպիսով, որո՞նք են իդեալական սիրուհու գլխավոր հատկանիշները: "Լևադա-կենտրոնի" հարցախույզը վկայում է, որ և՛ կանայք, և՛ տղամարդիկ կարևորում են իդեալական սիրուհու միևնույն հատկանիշները, որոնց, ի դեպ, չենք հանդիպում լավ մոր կամ տնային տնտեսուհու առաջնային բնութագրիչներում (տե՛ս Աղյուսակը):

Աղյուսակ. Ի՞նչ հատկանիշներով պետք է օժտված լինի իդեալական սիրուհին

Պարզվում է՝ իդեալական սիրուհու գլխավոր հինգ հատկանիշներն են սեքսուալությունը, գեղեցիկ արտաքինը, տանելի խառվածքն ու թեթև բնավորությունը և … խելացիությունը: Ուշագրավ է, որ միայն առաջին 2 հատկանիշներն է նշել հարցվածների բացարձակ մեծամասնությունը, իսկ մյուս 3-ն ստացել են միայն հարաբերական մեծամասնության "քվեն": Ստացվում է՝ իդեալական սիրուհին պետք է լինի, առաջին հերթին, սեքսուալ և գեղեցկատես, և շատ ցանկալի է, որ ունենա նաև թեթև բնավորություն ու լինի խելացի:

Այսինքն, իդեալական սիրուհին բոլորովին էլ "դատարկ զարդատուփ" (գեղեցիկ ու հրապուրիչ արտաքին, բայց դատարկ գլուխ) չէ: Սա թերևս բացատրվում է նրանով, որ եթե մարմնավաճառ կնոջից ակնկալվում է միայն սեքսուալություն և գեղեցիկ արտաքին, ապա սիրուհին պետք է անայման լինի նաև հետաքրքիր զրուցակից և "թեթև" շփման մեջ: