Ավարտվել է հրաձգության մյունխենյան միջազգային մրցաշարը

Գերմանիայի Մյունխեն քաղաքում ավարտվել է օդամղիչ զենքերից կատարվող միջազգային մրցաշարը: Ինչպես հաղորդում է «Արմենպրես»-ը,  ՀԱՕԿ լրատվության բաժնի տեղեկատվության համաձայն, Հայաստանի թիմի մեծահասակ մարզիկները կրկնել են վարժությունները: 10մ օդամղիչ ատրճանակ, 40 կրակոց վարժությունում 75 մրցակցուհիների հետ պայքարում Էլմիրա Կարապետյանը գրավել է 37-րդ տեղը` խոցելով 375 միավոր:

10մ օդամղիչ հրացան, 60 կրակոց վարժությունում 86 մարզիկների հետ պայքարում Սուրեն Բերյանը գրավել է 28-րդ տեղը` խոցելով 625,1 միավոր: Մրցաշարային աղյուսակում նրան հաջորդել է  Հրաչիկ Բաբայանը`624,9 միավորով: Հայաստանը ներկայացնող մյուս մարզիկ` Քրիստիան Լաուերը, գրավել է 70-րդ տեղը` 617.6 միավորով: Նույն վարժության` 40 կրակոց կանանց պայքարում 100 մրցակցուհիների հետ պայքարում Մարիամ Միքայելյանը գրավել է 91-րդ տեղը` խոցելով 405,8 միավոր: Իրինա Լաուերը (Աղաջանյան) գրավել է 94-րդ տեղը` 404,8 միավորով:

Օդամղիչ ատրճանակ մրցութային ձևում հանդես եկող Զավեն Իգիթյանը գրավել է 4-րդ և 7-րդ տեղեր, Բենիկ Խլղաթյանը` 11-րդ: