Ես նման չեմ իմ կերտած հերոսներից որեւիցե մեկին. Քրիստիան Բեյլը նշում է ծննդյան տարեդարձը
Life
«Բեթմեն. սկիզբ», «Խավարի ասպետը», «Ամերիկյան խելագարը», «Կապիտան Կորելիի ընտրությունը» եւ մի շարք այլ ֆիլմերից հայտնի դերասան Քրիստիան Բեյլն այսօր նշում է ծննդյան 42-ամյակը:
«Կռվողը» ֆիլմում կատարած դերի համար դերասանն արժանացել է միանգանից երկու կարեւորագույն մրցանակի` «Ոսկե գլոբուսի» եւ «Օսկարի»:
Այսպիսով, այսօր կներկայացնենք Քրիստիան Բեյլի արտահայտած մտքերից մի քանիսը.
«Մի բան կարող եմ հստակ ասել. Երբեք չեմ հետաքրքրվել ռոմանտիկ կատակերգության ժանրով: Կարծում եմ` ինձ չի սազի նման ֆիլմում խաղալը»:
«Սովորաբար դեռահասները ցանկանում են բոլորի ուշադրությունն իրենց վրա սեւեռել: Ես, ընդհակառակը, փորձում էի անհետանալ ուշադրության կենտրոնից»:
«Չեմ կարծում, թե կյանքում նման եմ իմ կերտած հերոսներից որեւիցե մեկին: Նրանք շատ տարբեր են ինձանից»:
«Միակ բանը, ինչից կախում ունեմ, քնելն է: Դա ավելին է, քան կախում. Դա հաճույք է»:
«Այն, ինչ անում եմ գումար վաստակելու համար, ծիծաղելի է ինձ թվում: Դերասանությունը հասուն մարդու համար աշխատանք համարելը ծիծաղելի է հնչում»:
«Մտավախություն ունեմ, որ երբեւէ կարող եմ լինել ձանձրալի»:
«Եթե բոլորն իմանային, թե ինչպիսինն եմ ես իրական կյանքում, դժվար այսքան մարդ ինձ սիրեր»:
«Յուրաքանչյուր ֆիլմի հետ ես ձգտում եմ արկածների»:
«Անձամբ ես երբեք իմ անձնական կյանքի փորձը չեմ օգտագործում որեւէ կերպարի մարմնավորելու համար»:
«Ես աշխատում եմ քիչ բան իմանալ իմ սիրած գրողների կամ ռեժիսորների կյանքից: Երբ արտիստի մասին շատ բան ես իմանում, դրանից տուժում է նրա աշխատանքը»:
Սյունե Առաքելյան
1
2
3
4
5
1
2
3
4
5
5
