Ռոնալդուն համաձայնել է տարեկան 200 մլն եվրո արժողությամբ պայմանագիր կնքել Սաուդյան Արաբիայի «Ալ Նասր» ակումբի հետ. Marca
Սպորտ
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ֆուտբոլիստ Կրիշտիանու Ռոնալդուն համաձայնել է տարեկան 200 մլն եվրո արժողությամբ պայմանագիր կնքել Սաուդյան Արաբիայի «Ալ Նասր» ակումբի հետ, գրում է Daily Mail-ը:
37-ամյա ֆուտբոլիստի պայմանագիրը «Մանչեսթեր Յունայթեդ»-ի հետ խզվել է այս ամսվա սկզբին՝ ակումբի ղեկավարների և մարզիկի լարված հարաբերությունների պատճառով: Այդ հարաբերությունները միայն վատթարացել են, երբ նա մի շարք հակասական հայտարարություններ է արել Փիրս Մորգանին տված հեռուստահարցազրույցում:
Այժմ ասվում է, որ Ռոնալդուն սենսացիոն համաձայնության է եկել «Ալ Նասր»-ի հետ. խոսքը երկուսուկես տարի ժամկետով պայմանագրի մասին է, որով նա կխաղա մինչև 40 տարեկան, հայտնում է իսպանական Marca թերթը:
Մադրիդի «Ռեալ»-ի նախկին աստղն անցած ամռանը հրաժարվել էր Սաուդյան Արաբիայից ստացված առաջարկից, բայց եվրոպական էլիտար ակումբների կողմից որևէ էական հետաքրքրության պակասի ֆոնին, նա, կարծես թե, այժմ պատրաստվում է տեղափոխվել Սաուդյան Արաբիա:
«Ալ-Նասր»-ը Սաուդյան Արաբիայի ամենահաջողակ ակումբներից մեկն է, որը ինը անգամ դարձել է երկրի բարձրագույն խմբի առաջնության հաղթող:
1
2
3
4
5
1
2
3
5
2
