Սեյրան Օհանյանի կինն այցելելով հոսպիտալ` անձամբ ծանոթացավ այնտեղ բուժվող ժամկետային զինծառայողների եւ սպաների առողջական վիճակին
Հասարակություն
Մայիսի 26-ին ՀՀ ԶՈՒ Ռազմաբժշկական վարչության պետ, բ/ծ գնդապետ Կամավոր Խաչատրյանը, «Զինվորական բժիշկների հայկական ասոցիացիա» հասարակական կազմակերպության նախագահ Ռուզաննա Խաչատրյանը և ասոցիացիայի խորհրդի մի խումբ անդամներ այցելեցին ՀՀ ՊՆ Երևանի կայազորային հոսպիտալ:
Նրանք եղան վերջերս վերանորոգված ու վերաբացված թերապևտիկ բաժանմունքում, ինչպես նաև վիրաբուժական, վերակենդանացման և անզգայացման, հոգեբուժական բաժանմունքներում, շրջեցին հիվանդասենյակներում, ծանոթացան պայմաններին: ՀՀ ԶՈՒ Ռազմաբժշկական վարչության պետ, բ/ծ գնդապետ Կամավոր Խաչատրյանը և «Զինվորական բժիշկների հայկական ասոցիացիա» հասարակական կազմակերպության նախագահ Ռուզաննա Խաչատրյանը զրուցեցին հոսպիտալում բուժվող ժամկետային զինծառայողների, սպաների հետ, հետաքրքրվեցին նրանց բուժման ընթացքով: Իսկ վիրաբուժական բաժանմունքում տեսակցեցին վիրահատված զինծառայողներին:
«Մենք պարբերաբար այցելում ենք հոսպիտալային օղակ, ծանոթանում հիվանդների առողջական վիճակին, բժիշկների հետ կոլեգիալ քննարկումներ ենք կազմակերպում՝ ընթացիկ իրավիճակային խնդիրների և մեր առաջիկա ծրագրերի շուրջ: Երևանի կայազորային հոսպիտալի թերապևտիկ բաժանմունքում ավարտվել են շինարական աշխատանքները, և վերանորոգումից ու վերաբացումից հետո սա մեր առաջին այցելությունն է: Ծանոթացանք ընդհանուր իրավիճակին, որոշ հիվանդների բուժման ընթացքին, ապա և բժիշկների հետ մի շարք հարցեր քննարկեցինք»,- մեզ հետ զրույցում նշեց «Զինվորական բժիշկների հայկական ասոցիացիա» հասարակական կազմակերպության նախագահ Ռուզաննա Խաչատրյանը:
Ռուզաննա Խաչատրյանը առանձնահատուկ շեշտեց, որ հիվանդասենյակների օդափոխությունը իրականացվում է պատշաճ մակարդակով` հավելելով, որ անմիջապես նկատելի է բժիշկների պատրաստակամությունն ու սրտացավությունը հիվանդ զինծառայողների նկատմամբ: Բժիշկների հետ կոլեգիալ քննարկման ընթացքում արծարծված հարցերը կներկայացվեն պաշտպանական գերատեսչության ղեկավարին:
Հասմիկ Գյոզալյան
1
2
3
4
5
1
2
3
4
1
2
3
4
5
