Ալիևը շատ "արդար" է քննադատում Մինսկի խմբի համանախագահներին

Գագիկ Համբարյանը ֆեյսբուքյան իր էջում գրում է.

ԵԽԽՎ-ում տեղի ունեցած խայտառակ պարտությանն այսօր արձագանքել է մեր արևելյան հարևանների փարավոն Իլհամ Ալիևը...Սույն անձը Ռոբերտ Ուոլթերի հեղինակած "օկուպացված Արցախի և այլ տարածքների" մասին բանաձևի չընդունումը շատ արդարացի կապում է ԵԱՀԿ Մինսկի խմբի համանախագահ երկրների՝ԱՄՆ-ի,Ֆրանսիայի և ՌԴ-ի դիրքորոշման հետ... Ըստ "ԱզերԹԱջի"՝ խիզախ Իլհամը հայտարարել է."Ես ասել եմ նրանց երեսին...Այսօր էլ ասում եմ դա հասարակության առաջ...Նրանց է պատկանում այն դերը,որ խնդիրը մինչև հիմա չի լուծվել...Նրանք ղեկավարվում են երկակի ստանդարտներով...Այստեղ իր դերը խաղում է նաև կրոնական գործոնը...Մենք մահմեդական ենք..." 

Ես լիովին համաձայն եմ Ադրբեջան կոչվող պետության ղեկավարի հետ այն առումով,որ Մինսկի խմբի համանախագահների երկակի ստանդարտների կիրառման պատճառով է,որ Արցախյան հիմնահարցը իր վերջնական լուծումը չի ստացել...Մինսկի խմբի համանախագահների՝ կոնֆլիկտի կողմերի միջև հավասարություն դնելու պատճառով է,որ Ադրբեջանն այսքան լկտիացել է...Զինադադարի խախտման դեպքերի առումով Բաքուն արդեն չի էլ թաքցնում,որ դրանց հեղինակը ինքն է...Բոլոր առաջարկները,զինադադարի խախտումների դեպքերը հետաքննելու կամ կանխելու առումով, կտրուկ մերժվում են Ալիևի կողմից...Հենց Մինսկի խմբի համանախագահներն են,որ չեն արձագանքում Բաքվից հնչող ապատեղեկատվություններին,որ Մինսկի խումբը ինչ-որ ազերիամետ նոր առաջարկներով է հանդես գալիս.իրականում,այդպիսի բան չկա...

Մինսկի խմբի համանախագահների երկակի ստանդարտների կիրառման հետևանքով է,որ "անկախացան" չկայացած Էրիթրեան,Հարավային Սուդանը,Հարավային Օսիան,Աբխազիան,Կոսովոն,Արևելյան Թիմորը,սակայն Արցախի կարգավիճակը "միջազգային հանրության" կողմից դեռ քննարկվում է...Հենց Մինսկի խմբի համանախագահների լռակյաց քաղաքականության պատճառով է,որ 1994 թ-ի զինադադարից հետո առաջին անգամ 2015 թ-ին Ադրբեջանն հայ-ազերիական շփման գոտում կիրառեց տանկեր...Հենց Մինսկի խումբն է մեղավոր,որ հազար անգամ ավելի ժողովրդավար Արցախին ուզում են նույն հարթության վրա դնել տոտալիտար,ֆաշիստական Ադրբեջանի հետ,որտեղ անձի պաշտամունքը պաշտպանված է օրենքով...Վերջապես Մինսկի խումբն է մեղավոր,որ մինչև հիմա պնդերես Իլհամ Ալիևին "ընթեռնելի" լեզվով չի բացատրվում,որ 1994 թ-ին հենց իր հայրիկ՝ազգի առաջնորդ Հեյդարն է հայերից ԽՆԴՐԵԼ զինադարար կնքել,որովհետև Ադրբեջանը ՊԱՐՏՎԵԼ է...Իսկ պարտվածը չի կարող առաջնորդվել՝կամ ամեն ինչ,կամ ոչինչ կարգախոսով... 

Ինչ վերաբերում է կրոնական գործոնին,ապա հայր և որդի Ալիևները վաղուց են փորձում Արցախյան հիմնախնդիրը ներկայացնել որպես կրոնական,որտեղ Հայաստանի կողքին իբրև թե կանգնած են քրիստոնյաները...Ի.Ալիևի այս թեզը շատ թույլ հիմքեր ունի...Նախ,եթե այդպես լիներ,ապա Արցախը վաղուց ճանաչված կլիներ միջազգայնորեն,այլ ոչ թե քրիստոնյա "արևմուտքը" կճանաչեր մահմեդական ալբանացիների երկրորդ պետություն Կոսովոն՝ի վնաս քրիստոնյա Սերբիայի կամ ժամանակին թույլ կտար,որ 1993 թ-ին քրիստոնյա Եթովպիայից անջատվեր մահմեդական Էրիթրեան...Իլհամ Ալիևը մոռանում է,որ "օկուպացված Արցախի" և "Էկոլոգիական աղետի պատճառ՝Սարսանգի ջրամբարի"մասին անտրամաբանական բանաձևերի հեղինակները՝Ուոլթերը և Մարկովիչը քրիստոնյաներ են...Ալիևը մոռանում է,որ իրեն զենք վաճառող երկրներից շատերը՝ՌԴ-ն,Ուկրաինան,Բելառուսը,ՀԱՀ-ը քրիստոնյա երկրներ են,որոնք շատ լավ գիտեն,որ այդ զենքը օգտագործվելու է քրիստոնյա Հայաստանի և Արցախի դեմ... 

Այսքանից հետո կարելի է ասել,որ ԱՄՆ-ի,ՌԴ-ի և Ֆրանսիայի կողմից երես տված Ալիևի նման դուրսպրծուկին ժամանակն է իր տեղը դնել...Այս ամենի պատճառը՝Մինսկի խմբի կողմից կիրառվող երկակի ստանդարտներն են,որոնցից շատ հմտորեն օգտվում են ադրբեջացի թուրքերը... 

Ապշերոնյան սուլթանը սեփական հասարակությանը տնտեսական և սոցիալական խնդիրներից շեղելու համար ամեն ինչի ընդունակ է...Նույնիսկ բեմականացված՝ "հարձակվելու" Օբամայի,Պուտինի և Օլանդի վրա... Հ.Գ.Ի.Ալիևի այս հայտարարությունը ապացուցեց,որ հենց Ադրբեջանն է իր ապակառուցողական կեցվածքով խանգարում Արցախի հիմնախնդրի վերջնական հանգուցալուծմանը..Չնայած մեզ համար այդ խնդիրը վաղուց լուծված է.Արցախը եղել է,կա ու կլինի միշտ հայկական...Իսկ Արցախի անկախ կարգավիճակը չի էլ քննարկվելու ոչ մեկի հետ...