Պատմական օր է. մենք վերադարձնում ենք Խերսոնը. Զելենսկին տեսանյութ է հրապարակել

Փնտրում եք բարձր վարձատրվող աշխատանք՝ սեղմեք ԱՅՍՏԵՂ

Ուկրաինայի նախագահը տեսանյութ է հրապարակել Խերսոնից և մեկնաբանել ուկրաինացի զինվորականների մուտքը շրջկենտրոն։

Այս մասին հայտնում է РБК-Украина-ն՝ երկրի ղեկավարի Telegram-ին հղումով։

«Մերոնք, մերը, Խերսոն»,- ասվում է Վլադիմիր Զելենսկու հրապարակման մեջ։

Տեսաուղերձում Զելենսկին նշել է, որ «սա պատմական օր է Ուկրաինայի համար»։

«Մենք վերադարձնում ենք Խերսոնը, այսօր մեր պաշտպանները գտնվում են քաղաքի մատույցներում, սակայն հատուկ նշանակության ստորաբաժանումներն արդեն քաղաքում են... Ուկրաինան միշտ վերադարձնում է իրենը»,- ասել է Ուկրաինայի նախագահը։

Նրա խոսքով՝ նույնիսկ այն ժամանակ, երբ քաղաքը դեռ ամբողջությամբ չի մաքրվել ռուսական ներկայությունից, Խերսոնի բնակիչներն իրենք արդեն փողոցներից ու շենքերից հեռացնում են ռուսական խորհրդանիշները և Խերսոնում ռուսական զորքերի ցանկացած հետք։

«Այդպես կլինի նաև այն քաղաքներում, որոնք դեռ սպասում են մեր վերադարձին, Ուկրաինան կգա իր ամբողջ ժողովրդի մոտ»,- հավելել է պետության ղեկավարը։

Հիշեցնենք, որ ուկրաինացի զինվորականներն արդեն մտնում են Խերսոն։ Նշենք, որ քաղաքը 2022 թվականի մարտի 2-ից գտնվում էր ռուսական զորքի վերահսկողության տակ։

Հիշեցնենք, որ ՌԴ պաշտպանության նախարար Սերգեյ Շոյգուն համաձայնել է Ուկրաինայում ՌԴ հատուկ ռազմական գործողության հրամանատար Սերգեյ Սուրովիկինի՝ Խերսոնի մարզը Դնեպր գետի ձախ ափից պաշտպանելու առաջարկին։

«Համակողմանի գնահատելով իրադրությունը՝ առաջարկվում է պաշտպանությունն իրականացնել Դնեպրի ձախ ափից։ Հասկանում եմ, որ դա հեշտ որոշում չէ։ Միևնույն ժամանակ մենք պահպանում ենք ամենակարևորը՝ մեր զինծառայողների կյանքն ու զորախմբերի անվտանգությունը, որը գետի աջ ափին պահելը անհեռանկարային է։ Բացի այդ, ազատվում են միջոցներ և ուժեր, որոնք կարող են ակտիվ գործողությունների մասնակցել գործողության այլ ուղղություններով»,-ասել է Սուրովիկինը։

Հիշեցնենք, որ Խերսոնը գտնվում է Դնեպր գետի աջ ափին։