ԱԳՆ-ի գերակայություններից է Հայաստանի հաղորդակցության ուղիների ապաշրջափակումը
Քաղաքականություն
ՀՀ արտաքին գործերի նախարարության գործունեությունը 2016 թվականին ուղղված կլինի ՀՀ Նախագահի կողմից ուրվագծած արտաքին քաղաքական ուղենիշների, տրված հանձնարարականների և ՀՀ կառավարության ծրագրի կատարմանը: Ինչպես փոխանցում է «Արմենպրես»-ը, այդ ուղղությամբ աշխատանքների իրականացումն ընդգրկված է ՀՀ կառավարության 2016 թվականի գերակա ծրագրերի թվում:
Մասնավորապես, ԱԳՆ-ի աշխտանքներն ուղղված են լինելու արցախյան հիմնախնդրի խաղաղ կարգավորմանը, Հայաստանի արտաքին անվտանգության ռազմաքաղաքական բաղադրիչի ամրապնդմանը, Հայոց ցեղասպանության միջազգային ճանաչմանը, պետության զարգացման համար արտաքին բարենպաստ պայմանների ապահովմանը, երկրի հեղինակության ամրապնդմանը, արտերկրում հանրապետության և նրա քաղաքացիների շահերի պաշտպանությանը, միջազգային ասպարեզում Հայաստանի դիրքորոշումների ներկայացմանը, միջազգային կազմակերպություններում և գործընթացներում ներգրավվածության խորացմանը, բարեկամ և գործընկեր երկրների հետ համագործակցության առավել ամրապնդմանը:
ՀՀ տնտեսության հզորացման, արտաքին շուկաներում մրցունակության բարձրացման, տնտեսական կառույցների այժմեականացման, Հայաստանի տնտեսական ներուժի բազմապատկման և կայուն զարգացման նպատակով' արտաքին գործերի նախարարության աշխատանքներն ուղղվելու են նաև միջազգային և տարածաշրջանային տնտեսական և ֆինանսական կառույցների հետ հարաբերությունների զարգացմանը: Արտաքին քաղաքական գերատեսչության գերակայություններից է լինելու Հայաստանի էներգետիկ անվտանգության ապահովումը, հաղորդակցության ուղիների ապաշրջափակումը, զարգացումն ու դիվերսիֆիկացումը, հայրենական արտադրանքի արտահանման համար նոր շուկաների բացահայտումն ու արտաքին ներդրումների խրախուսումը:
1
2
3
4
5
1
2
3
4
5
3
4
5
