ՉԼ․ Ռեալն ու Լայպցիգը ջախջախեցին մրցակիցներին և դուրս եկան փլեյ-օֆֆ

Փնտրում եք բարձր վարձատրվող աշխատանք՝ սեղմեք ԱՅՍՏԵՂ

Չեմպիոնների լիգայի խմբային փուլի 6-րդ տուրում «Ռեալը» 5։1 հաշվով հաղթեց «Սելթիկին»։ Մադրիդյան ակումբի կազմում առաջին խաղակեսում աչքի ընկան Լուկա Մոդրիչն ու Ռոդրիգոն՝ հստակ իրացնելով 11 մետրանոցները։ 35-րդ րոպեին հյուրերի կազմում 11 մետրանոցը չկարողացավ դիպուկ իրացնել Յուրանովիչը։

51-րդ րոպեին տանտերերի կազմում աչքի ընկավ Մարկո Ասենսիոն, իսկ 10 րոպե անց Վինիսիուսը հաշիվը դարձրեց 4։0։

Եվս 10 րոպե անց Ֆեդերիկո Վալվերդեն խփեց իր թիմի 5-րդ գոլը։

84-րդ րոպեին հյուրերի կազմում տուգանայինից կատարած հարվածով գեղեցիկ գոլի հեղինակ դարձավ Ժոտան։

Խմբի մյուս խաղում «Լայպցիգը» 4։0 հաշվով հաղթեց Դոնեցկի «Շախտյորին»։ Գերմանական թիմի կազմում աչքի ընկան Կրիստոֆեր Նկունկուն, Անդրե Սիլվան, Դոմինիկ Սոբոսլային և գրանցվեց 1 ինքնագոլ։

«Ռեալը» F խմբում զբաղեցրեց առաջին տեղը՝ 13 միավորով։ «Լայպցիգը» 12 միավորով գրավեց երկրորդ տեղը։ Այս թիմերը կխաղան Չեմպիոնների լիգայի 1/8 եզրափակչում։ «Շախտյորը» 6 միավորով խմբային փուլն ավարտեց երրորդ տեղում և կխաղա Եվրոպա լիգայի 1/16 եզրափակչում։ «Սելթիկը» խմբում գրավեց վերջին տեղն ու դուրս մնաց եվրագավաթային մրցաշարերից։