Ապրում ենք մեռած, բայց ապրում ենք, ու մեր սրտի այն մասը, որը քո հետ էր՝ հավերժ մնաց աշուն. զոհված զինծառայողի քրոջ գրառումը

Ջերմուկյան պատերազմից հետո հավաքագրվել ու հրապարակվել է զոհված զինծառայողների անունները:

Ադրբեջանական ագրեսիայի հետևանով հերոսացել է նաև Վարդան Աբրահամյանը:

Ստորև ներկայացնում ենք նրա քրոջ ֆեյսբուքյան գրառումը հերոս եղբոր մասին.

Չեի հավատում, չէ ավելի ճիշտ փորձում էինք չհավատալ։ Պատրաստ էինք լսել ցանկացած տարբերակ բացի մեկից՝ որ դու էլ չես գալու, որ դու չկաս կամ չես լինելու։

Նոր էիր գնացել, բայց ես արդեն որոշել էի, թե ոնց պետքա քեզ դիմավորենք կյանքս, ուղղակի քեզ շուտ զորացրեցին լավ ծառայելու կապակցությամբ։

13 օր շարունակ սպասում էինք հրաշքի, հավատում էինք…

Բայց…

Քեզ ճանապարհելուց ինքս ինձ խոստացա, որ առանց արցունք եմ ճանապարհելու ու նույն կերպ էլ պետքա դիմավորեի…կներես, կներես որ խոստումս չպահեցի։

Մաման, որ պետքա քեզ պարելով դիմավորեր, դիմավորեց լացով։

Պապան երկար ու անթարթ նայումա ճանապարհին ու սպասումա, որ հետ գաս էն նույն ճանապարհով որով քեզ ճանապարհել էինք։

Էրիկը որ պետքա բոլորին հայտարարեր, որ իրա ապերը վերադարձելա, հիմա հայտարարումա, որ իրա ապերը ՀԵՐՈՍԱ։ Իսկ ես՝ Հերոսի քույր, որ լուռ ու ամենաշատն էր սպասում քո վերադարձին իմ կյանք, սպասում էի , որ գաս ու էլի կռվենք ամենաանիմաստ բաների համար, հիմա ասում եմ արի’ խոստանում եմ էլ չեմ կռվի ու ամեն ինչ առաջինը կզիջեմ քեզ, չնայած, որ միշտ դու էիր ամեն ինչ զիջում՝ համակարգիչը, հեծանիվը, գնդակը…

Էս օրը էն չարաբաստիկ օրն էր, երբ հույսներս վերջնականապես մեռավ Վարդս։

Մենք գիտենք դու կաս, մեր հետ ես, մեր կողքին, բայց ախր դա էնքան քիչա։

Էս կարոտը ու հավերժ սպասելու միտքը սպանումա։

Ապրում ենք մեռած, բայց ապրում ենք, ու մեր սրտի էն մասը որը քո հետ էր, հավերժ մնաց աշուն, էն աշունը, որի ժամանակ և’ ծնվեցիր, և’ հերոսացար իմ լուսավոր։

Ու դու հավերժի զինվոր, մենք հավերժ զինվորին սպասող։

Մեր հաջորդ հանդիպումը վստահ եմ լինելույա շաատ սիրուն, դու քո սիրուն ժպիտով ժպտալու ես ու նորից ասես՝ Քուրս, ու էդ ժամանակ հաստատ, էլ ոչ մի պատերազմ մեզ չի բաժանի իմ ամենասիրուն։

Մինչ նոր հանդիպում իմ ՀԵՐՈՍ:





Նյութի նպատակն է տարածելու մեր հերոսների լուսանկարներն ու հավերժ պահելու նրանց հիշատակը:

Նյութը հրապարակման պատրաստեց Pressmedia.am կայքը