«Պատերազմին մասնակցելուց հետո ստացել եմ բուժում և որոշել՝ պետք է շարունակեմ երաժշտական կարիերաս». Գոռ 23-ը՝ երգեցողությամբ զբաղվելու և պատերազմին մասնակցելու մասին
Life
Շուտով ջեռուցման սեզոնն է, իսկ էլ. էներգիայի համար վճարում եք չափազանց շատ։ Իսկ դուք գիտե՞ք, որ այսուհետ էլ. էներգիան յուրաքանչյուր ընտանիքում կարող է լինել անվճար։ Սեղմեք և ծանոթացեք պայմաններին` ԱՅՍՏԵՂ
Յութուբյան հարթակում 1 մլն-ից ավելի դիտում ունեցող «Ամենա» երգի հեղինակ Գոռ Մարտիրոսյանն ով լսարանին ավելի հայտնի է Գոռ 23 մականվամբ, Tert.am Life-ի հետ զրույցում պատմել է երաժշտական կարիերան ստեղծելու, պատերազմին մասնակցելու, հետպատերազմյան շրջանում երաժշտությամբ զբաղվելու, ստուդիա ստեղծելու և համերգների մասին: Շատերը ճանաչում են երգչի ձայնը, բայց ոչ նրան:
«Ես 20 տարեկան գյումրեցի տղա եմ, ով ծնվել և մեծացել է Երևանում: Երաժշտությամբ սկսել եմ զբաղվել շատ պատահական: Ընկերներիցս մեկը ռեփեր է և մի օր հրավիրեց իր ստուդիա իրեն նկարահանելու, մի քանի անգամ իմ տեսախցիկով գնացի ստուդիա ու հասկացա, որ ինձ դուր է գալիս այդ միջավայրը»,- ասաց Գոռ Մարտիրոսյանը և հավելեց, որ երաժշտական կրթություն չունի:
Չնայած երաժշտական կրթություն չունենալուն՝ Գոռն ակտիվ զբաղվում է երգեր գրելով և այս շրջանում դա նրա հիմնական զբաղվածությունն է:
«Չունեմ երաժշտական կրթություն, բայց կարողանում եմ ստեղծել երգեր, որոնք դուր են գալիս մարդկանց՝ գրավելով նրանց սրտերը: Ձյուդոյի պարապմունքներից հետո քայլում էի տուն՝ տողեր գրելով ու հասկացա, որ նրանք կարելի է օգտագործել որպես տեքստ ու հենց այդ տեքստը տվեցի վերը նշված ռեփեր ընկերոջս ու հասկացա, որ ինձ մոտ ստացվում է»,- նշեց նա:
Տողեր գրելով ոգեշնչված Գոռը որոշել է և ստեղծել իր սեփական ստուդիան:
«2019 թվականին ստեղծեցի իմ ստուդիան, որը տևական ժամանակ չէր աշխատում, քանի որ մեկնեցի ծառայության, բայց վերադառնալուց հետո շարունակել եմ զբաղվել երաժշտությամբ»,- ասաց նա:
Երգիչը Արցախյան 44-օրյա պատերազմի մասնակից է և պատերազմի օրերին եղել է «Մարտունի 2» զորամասում, մեզ հետ զրույցում նա նաև խոսել է այդ շրջանի մասին:
«Ծառայության մեկնելուց հետո սկսվեց պատերազմը, որի ընթացքում ես եղել եմ Արցախում և մասնակցել պատերազմին: Այդ օրերին ես ստացել եմ տրավմա և ունեցել 3-ամսյա բուժում, որի ավարտին ևս եղել եմ ծառայության մեջ: Վերադառնալուց հետո որոշել եմ շարունակել զբաղվել երգով»,- ասաց Գոռ Մարտիրոսյանը:
.jpg?1662984985850)
Նա պատմեց երգեր գրելու մասին և նշեց, որ երբեք չի սիրել այնպես, ինչպես պատմում է իր երգերում:
«Տողերի 70%-ը մտացածին են, ես պատկերացնում եմ, որ սերը հենց այդպիսին էլ պետք է լինի, երևակայել այդ թեմայի շրջանակներում, ինչի արդյունքում էլ ծնվել են տողերը»,- նշեց նա:
Երգիչը նաև հայտնեց, որ երաժշտական կարիերայի սկզբում ունեցել է մի շարք մտավախություններ:
«Սկզբում շատ կոմպլեքսավորված էի, բեմում երգելը ևս բարդ էր, բայց հետո հասկացա, որ կենդանի կատարումներն ինձ համար ավելի հոգեհարազատ են, քան ստուդիայում ձայնագրվելը: Օրինակ սեպտեմբերի 17-ին լայֆ ձևաչափով մի շարք դուետներ եմ կատարելու երգիչ Դավիդ Գրեգի հետ ու ամեն համերգից հետո հասկանում եմ, որ կենդանի ձևաչափն ինձ համար ավելի հոգեհարազատ է»,- ասաց նա:
Երգիչը նաև պատմեց մականվան՝ Գոռ 23 անվան տակ ներկայանալու մասին:
«Շատ խորհրդանիշներ կան այդ թվի հետ կապված, բայց առանցքայինն այն է, որ ծննդյանս օրն է՝ դեկտեմբերի 23-ը»,- նշեց երգիչը:
1
2
3
4
5
1
2
3
4
5
1
2
3
4
5
