Պետությունն ու բանակը նույնանում են անկախության պատմություն գրելու դժվարին առաքելության մեջ. Հերմինե Նաղդալյան

 ՀՀ ազգային ժողովի փոխնախագահ Հերմինե Նաղդալյանը Հայոց բանակի 24-րդ տարեդարձի կապակցությամբ շնորհավորական ուղերձ է հղել: Ինչպես տեղեկացնում է «Արմենպրես»-ը, ուղերձում, մասնավորապես, նշվում է. 

«Այսօր 24-րդ անգամ նշում ենք Հայաստանի ազգային բանակի տոնը: 24 տարի Հայաստանի անկախ Հանրապետության բանակը եղել է մեր պետության պաշտպանն ու վահանը՝ դիմակայելով հայտարարված ու չհայտարարված պատերազմի դաժան փորձություններին: Այս տարի մենք նշելու ենք Հայաստանի Հանրապետության 25-ամյակը և շատ խորհրդանշական է, որ Հայոց բանակը ընդամենը մեկ տարով է «փոքր» պետությունից: Պետությունն ու բանակը մեր դեպքում նույնանում են անկախության պատմություն գրելու դժվարին առաքելության մեջ, որ վկայում են ոչ միայն Եռաբլուրում իրենց վերջին հանգիստը գտած ազատամարտիկները, այլև սահմանին աներեր կանգնած հայ զինվորը, որ երեկ, այսօր ու վաղը մեր անվտանգության ու կայունության, տարածաշրջանում խաղաղության պահպանման երաշխիքն է:

Շնորհավորում եմ Հայաստանի ազգային բանակի Գերագույն գլխավոր հրամանատարի, պաշտպանության նախարարի, սպայակազմի ու յուրաքանչյուր զինվորի տոնը: Այսօր մեր բոլորի տոնն է, որովհետև Հայաստանը սահմանամերձ հայրենիք է ու մենք՝ սահմանին, թե թիկունքում, պարտավոր ենք պաշտպանել մեր ընդամենը քառորդ դարի պատմություն ունեցող պետությունը: Աստված հզորություն թող տա հայ զինվորի բազկին, խաղ աղություն ու երջանկություն»: