Ո՞վ և ինչպե՞ս է փրկել կամրջից նետված աղջկան, ի՞նչ է եղել նրա թողած երկտողում․ բացառիկ մանրամասներ

Այլևս ՄԻ վճարեք հոսանքի համար, անցեք այս հղումով և իմացեք, թե ինչպես` https://4q5w.short.gy/tkKDJH

Արդեն հայտնել ենք, որ այսօր առավոտյան Հաղթանակ կամրջից երիտասարդ կին է իրեն ցած նետել․ նրա կյանքը փրկել, բարեբախտաբար, հաջողվել է։ MediaHub.am-ը կապ է հաստատել աղջկան փրկած տղամարդու՝ Արսեն Իգիթյանի հետ։ Վերջինիս խոսքով՝ ինքն ու ընկերը մեքենայով աշխատանքի գնալիս են եղել, երբ տեսել են, թե ինչպես է աղջիկը բարձրանում կամրջի արգելապատնեշին։

Նա նշեց նաև, թե ինչ է եղել գրված աղջկա թողած նամակում. «Իմ քրոջ համարն է՝ * * * **»: Ինքնասպանության փորձ կատարածին փրկած Արսենը զանգել է նշված համարով և պատմել, թե ինչ է եղել։

«Դրանից հետո այդ աղջկան տարան հիվանդանոց»,- պատմեց Արսենը, ապա հավելեց՝ ցած նետված աղջիկը մոտավորապես 30-33 տարեկան է եղել։ Նա իր վրդովմունքը հայտնեց, որ որոշ լրատվամիջոցներ, առանց իրականությունն իմանալու, գրել են, թե պարեկներն են փրկել աղջկան։ «Ճիշտ հասկացեք, ինձ գովազդել կամ գովասանքի խոսք ասել պետք չէ, ուղղակի չեմ հասկանում, թե ինչու են սազն առած պարեկների գովքն անում»,- ասաց նա։

Նշենք, որ երիտասարդ կնոջը տեղափոխել են «Արմենիա» ԲԿ․ նա գտնվում է վերակենդանացման բաժնում։ «Աղջկա վիճակը գնահատվում է ծայրահեղ ծանր»,- MediaHub-ին տեղեկացրին ԲԿ-ից։