Ժողովուրդն առևտրական չէ, որ սակարկի թանկացման գինը
Հասարակություն
Ի՞նչ է նշանակում անցած տարվա թանկացումից հետո կուտակել 250 մլն դոլար պարտք և դա հանել ժողովրդի գրպանից,- Էլեկտրաէներգիայի թանկացման դեմ ուղղված պայքարի մասին այսօր լրագրողների հետ զրույցում ասացին պայքարի ակտիվիստներ Մաքսիմ Սարգսյանը և Ռիմա Սարգսյանը,- դրա համար մայիսի 27-ին՝ ժամը 19:00-ին, Ազատության հրապարակից կմեկնարկի երթ՝ ընդդեմ էլեկտրաէներգիայի թանկացման:
Լրագրողի այն հարցին, թե որոնք են այն գործողությունները, որոնք կլինեն երթից հետո, բանախոսները կտրականապես չպատասխանեցին՝ շեշտելով, որ դրանց մասին կտեղեկացնեն վաղը՝ ելույթի ժամանակ:
-Ժողովուրդն առևտրական չէ, որ սակարկի կառավարության հետ թանկացման գինը, մենք չենք հանդուրժելու ոչ մի լումա թանկացում: Բազմաթիվ քաղաքական ուժեր են իրենց ելույթներում մեզ սատարել:
Նրանք հիմնավորում են, թե պարտքը գոյացել է սխալ կառավարման արդյունքում,- նշեց Ռիմա Սարգսյանը,- բայց թող ճիշտ կառավարում իրականացվեր:
Մաքսիմ Սարգսյանն էլ հավելեց, որ սխալ կառավարում ասելով պետք է հասկանալ այն, որ որևէ ընկերություն վարձակալության է վերցրել թանկարժեք մեքենա ու դրա համար վճարել կրկնակի գումար կամ բացասական արդյունքով աշխատող ընկերությունն իր աշխատողին վճարում է մոտ 60.000 դոլարին համարժեք աշխատավարձ:
Արուս Տիգրանյան
1
2
3
4
5
1
2
3
4
5
1
2
5
