Մերիլին Մոնրոյի ամենաշոկային գաղտնիքների թոփ-10-յակը

Դերասանական բուռն կարիերա, սիրավեպ ամերիկյան բարձրաստիճան անձանց հետ ու լիակատար միայնություն: Շատերը գիտեն դերասանուհի Մերիլին Մոնրոյի ողբերգական կյանքի մանրամասները, այդուհանդերձ, կան բազմաթիվ գաղտնիքներ, որոնց մասին քչերն են տեղյակ:

Մերիլին Մոնրոն (իսկական անունը՝ Նորմա Ջին Բեյքեր) միայնակ մայր Գլեդիս Բեյքերի դուստրն էր, ով համեստ աղջկանից վերածվեց շիկահեր սեքս խորհրդանիշի:
Նա հայտնի դարձավ իր «Ամեն ինչ Եվայի մասին» ֆիլմով, սակայն 1950-ականներին հասարակությանն ավելի շատ հետաքրքրում էր նրա անձնական կյանքը՝ սկսած Ֆրենկ Սինատրայի նվիրած շնից մինչև ԱՄՆ նախագահ Ջոն Քենեդու ծնունդը շնորհավորելու նպատակով դեպի Նյու Յորք անսպասելի թռիչքը:

Նրա կյանքն ավելի հետաքրքիր դարձավ հանդիսականի համար, քան էկրանին մարմնավորած նրա կերպարները: Մերիլինի անսպասելի ու հակասական արձագանք ստացած մահը պատճառ դարձան անձնական կյանքի դրվագները մանրամասն քննելու համար:

Մերիլինի որոշ գաղտնիքներ այդ խառնաշփոթի մեջ, այդուհանդերձ, պահպանվեցին նրա ծանոթների ու Հոլիվուդի մտերիմների կողմից: Չգաղտնազերծվեցին նրա անձնական արխիվի նամակները, հաշվեհամարները ու օրագրային գրառումները:
Մերիլինի մասին գաղտնիքները, որոնք հայտնի դարձան վերջին մի քանի տարում, հաստատեցին, որ նա եղել է խելացի, զգայուն մարդ, ով ցանկանում էր հանդիսատեսին ավելի շատ բան տալ, քան կարող էր իրականում:

Orer.am-ը ներկայացնում է Մերիլինի գաղտնիքների թոփ-10-յակը.

10. Մերիլինի մայրը փորձել է նրան սպանել

Իր ամբողջ կյանքի ընթացքում Մերիլինը ասում էր, որ իր առաջին հիշողությունը եղել է այն մասին, որ իր մայրը իրեն փորձել է սպանել: Նա հիշում էր, որ պառկած է եղել մահճակալին, ու մայրը իրեն փորձել է խեղդել բարձով: Ավելի ուշ երեխային վերցրել էին մորից ու տեղավորել մանկատանը:

Նա միշտ վախենում էր, որ մորից կժառանգի նրա հոգեկան հիվանդությունը ու կհայտնվի հոգեբուժարանում: Ժամանակին նա ինքնակամ պառկեց հոգեբուժարանում, սակայն դա ավելի վատ ազդեց նրա հոգեվիճակի վրա ու ավելի ամրապնդեց մտավախությունները:

9. Մերիլինը աշխատել է գործարանում

Մինչ հայտնի դառնալը նա ընդամենը հասարակ աղջիկ էր՝ առանց ընտանիքի ու հարստության: Մի մանկատնից մյուսում հայտնվելով՝ նա 15 տարեկանում հեռացվեց դպրոցից ու ամուսնացավ իր սիրելիի՝ Ջիմմի Դոգերթիի հետ: Նրա բախտը բերեց, երբ գործարանում նրան լուսանկարեց լուսանկարիչը ու նկարը տարավ Հոլիվուդ: Երբ Մերիլինի ամուսինը պատերազմից հետո վերադարձավ տուն, նրա կինն արդեն աստղ էր՝ Մերիլին անունով:

8. Մերիլինը երկու անգամ պլաստիկ վիրահատություն է կատարել

Ստուդիայի ղեկավարները ցանկանում էին, որ բոլորը կարծեն, թե Մերիլինը եղել է բնական, զուտ ամերիկացի գեղեցկուհի: Ու նա այդպիսին էր մինչ 1950 թվականը: Այդ ժամանակ նա կատարեց քթի ու կզակի կորեկցիա, ինչը պետք էր ֆիլմարտադրողներին՝ համապատասխան կերպար ստանալու համար: Մերիլինը հաճախ հորինված անուններ էր օգտագործում կլինիկաներ հաճախելիս, որպեսզի իր այցերը գաղտնի մնային: Իր ամբողջ կյանքի ընթացքում նա տառապեց ցածր ինքնագնահատականից, սակայն այլևս երբեք չդիմեց պլաստիկ վիրաբույժների օգնությանը:

7. Մերիլինը մարմարյա գնդեր էր կարում իր կրծկալների մեջ

Մերիլինի լեգենդար բնութագրիչներից մեկն արտաքինն էր ու նա ջանք չէր խնայում իր կազմվածքը պահպանելու համար: Վախենալով կորցնել «կերպարը»՝ նա գիշերը կրծկալով էր քնում, որ կուրծքը չկախվեր: Ցանկանալով կրծքին պիկանտություն հաղորդել՝ նա մարմարյա գնդեր էր կարում կրծկալների մեջ:

6. Մերիլինի դեմքին աղվամազեր կային

Ամեն օր նա դեմքին քսում էր հսկայական քանակությամբ դիմափոշի ու կրեմներ՝ կադրում դեմքին լավ տեսք հաղորդելու համար: Այդ կրեմներն ու դիմափոշիները իսկապես լավ արդյունք էին տալիս՝ ըստ նկարահանման հարթակի նրա գործընկերների:

Նա դեմքին քսում էր վազելինի հաստ շերտ ու հորմոնալ կրեմ օրական մի քանի անգամ, ինչը նրա դեմքին մազերի առաջացման պատճառ էր դառնում: Չնայած նրան խնդրում էին հեռացնել աղվամազերը՝ Մերիլինը հրաժարվում էր:

5. Նա ուներ ավելի քան 400 գիրք

Լինելով ընթերցասեր՝ նա հեռու էր հիմար շիկահեր լինելուց, որոնց պատկերում էր էկրանին: Նրա անձնական գրադարանում կար ավելի քան 400 գիրք՝ ֆանտաստիկ վեպերից մինչև կենսագրություններ ու օրագրություններ: Գրքերը դարձան նրա անքուն գիշերների ուղեկիցները, իսկ իր օրագրերում նա գրառում էր իր խառը զգացումները:

4. Լեգենդար բեմը դարձավ նրա ամուսնալուծության պատճառը

Նրա երկրորդ ամուսինը՝ բեյսբոլի լեգենդ Ջո Դի Մաջոյին դուր չեկավ, թե ինչպես է իր կինը ցուցադրում ներքնազգետը ֆիլմի նկարահանման ժամանակ: Այդ ժամանակից ի վեր՝ նրանց միջև սկսվեցին կոնֆլիկտներ՝ նրա կարիերայի ու կենսակերպի շուրջ:

3. Մերիլինը 3 անգամ վիժել է

Նա հուսահատ կերպով ցանկանում էր տուն ու ընտանիք ունենալ, ինչից զրկված է եղել: Չնայած նրա 3 ամուսնություններին ու Արթուր Միլլերից իր 3 հղիությունների վատ ավարտին՝ նա այդպես էլ չկարողացավ երեխա ունենալ:

2. Նա մոռանում էր սցենարով իր համար գրված խոսքերը

Զարմանալիորեն նա դժվար էր հիշում իր խոսքերը: Երբեմն կարիք էր լինում 60 դուբլ նկարահանել տեսարանը, քանի որ դերասանուհին անընդհատ շփոթվում էր:

1. Մերիլինը մի անգամ մերկ գնացել է նկարահանման

«Ինչ-որ բան պետք է տեղի ունենա» ֆիլմում նա պետք է լողար լողավազանում մարմնագույն լողազգեստով, սակայն որոշեց առանց դրա յոլա գնալ:
Մերիլինը փորձում էր իրեն ապացուցել, որ ինքը եղել է առողջ կին՝ լավ կազմվածքով: