Beam Global ընկերության ակցիաները թանկացել են 14%-ով՝ շնորհիվ լիցքավորման կայանների պատվերների կրկնապատկման

Elitetrader.ru-ն գրում է, որ Beam Global տեխնոլոգիական ընկերությունը հաղորդել է իր էլեկտրական մեքենաների լիցքավորման կայանների վաճառքի հաջողված աճի մասին: Հենց դրանով է պայմանավորված հունիսի 9-ի աճուրդում ընկերության ակցիաների աճը 14,23%-ով։

Beam-ը հայտարարել է իր լիցքավորման կայանների պատվերների շարունակական աճի մասին, և դա դրական ազդանշան է երկարաժամկետ ներդրողների համար։ Հաճախորդները ոչ միայն գնում են Beam-ի սարքավորումներ պիլոտային նախագծերի և վթարային վայրերում տեղադրումների համար, այլ նաև հետագայում գնում են լրացուցիչ կայաններ: Ակնհայտ է, որ նման գնումները վկայում են Beam-ի արտադրանքի արդյունավետության մասին:

Beam կայանի առավելությունն ինքնավարությունն է. այն պարտադիր չէ, որ միացված լինի կենտրոնական էլեկտրական ցանցին, քանի որ կայանը հագեցած է արևային մարտկոցներով: Նաև կայանը կարող է տեղադրվել հաշված րոպեների ընթացքում գրեթե ցանկացած վայրում՝ առանց շինարարական թույլտվության և կոմունալ ընկերությունների կողմից թույլտվությունների:

Միաժամանակ կառավարման համակարգը թույլ է տալիս կարգավորել էներգիայի մատակարարումը տարբեր օգտագործողների համար՝ կախված աշխատանքային պայմաններից: Օրինակ, բնական աղետի և էլեկտրաէներգիայի անջատման ժամանակ Beam կայանը կարող է սնուցել վթարային սարքավորումները և մեքենաները:

Beam-ը ռեկորդային թվով պատվերներ է ունեցել առաջին եռամսյակում, և այժմ ընկերությունը հայտարարել է, որ ոչ միայն նոր, այլ նաև մշտական հաճախորդներ ունի։ Բացի այդ, կրկին ավելացել է կորպորատիվ հաճախորդների ակտիվությունը։

Մինչ հիմա համայնքներն ու պետական կազմակերպություններն են COVID-19-ի պայմաններում եղել հիմնական հաճախորդները: Հիմա վերջին եռամսյակում պատվերների գրեթե 40%-ը ստացվել է առևտրային և այլ հասարակական կազմակերպություններից։ Այդ ֆոնին Beam-ն ակնկալում է պահանջարկի և վաճառքի ուժեղ աճ 2022 թվականին:

Հայաստանում արևային պանելներ արտադրող առաջին և միակ ընկերությունը Սոլարոնն է։
Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորության և արժեքի վերաբերյալ։
Զանգահարեք`  87-57, (010) 44-00-55
էլ. փոստ`  [email protected]