Էրիկ. Իմ սիրո ժամանակն էլ է գալու
Life
Երգիչ Էրիկն իր կյանքում աղի բլիթ մեկ անգամ է փորձել, սակայն այդ գիշերն իր սիրելին ջուր չի տվել նրան: Հիմա արդեն երգիչը մտածում է` ավելի լավ է չտեսնի էլ, քանի որ չի ուզում իր ապագան կանխատեսել:
ԼՈւՐԵՐ.com-ի թղթակիցն այսօր երգչին հանդիպեց Սիրահարների այգում, ուր Սուրբ Սարգիս Զորավարի տոնի առթիվ տոնական համերգ էր կազմակերպվել, Էրիկն էլ երգեց, իհարկե, սիրո մասին:
Մեզ հետ զրույցում նա, ով դեռ իր երկրորդ կեսին չի հանդիպել, հույս հայտնեց` անպայման իր սիրո ժամանակն էլ է գալու, այնուհետև ժպտալով հավելեց` «գոնե այս տարի»:
Իր ծրագրերի մասին մեր հարցին երգիչը պատասխանեց. «Այս տարի ավարտին պետք է հասցնեմ համերգիս DVD տարբերակը, իսկ մարտի 4-ին ԱՄՆ-ի «Ալեքս» թատրոնում համերգ պետք է ունենամ: Ի դեպ ասեմ` համերգներ շատ եմ այնտեղ ունեցել, բայց սա կլինի ԱՄՆ-ում իմ առաջին մենահամերգը»:
Էրիկը մեզ պատմեց, որ նախատեսել է տեսահոլովակ նկարահանել իր «Իմ ամենալավը» երգի հիման վրա, որը, ըստ երգչի, իր երկրպագուները հասցրել են արդեն սիրել.
«Երևի թե նկարահանումների մի մասը կանցկացնենք ԱՄՆ-ում: Սիրո մասին այդ երգը բավականին շատ է լսվել ու սիրվել, ես հասկացա, որ արժե տեսահոլովակ նկարահանել, լավ երգերը լսվում գնում են, բայց տեսահոլովակ չեն ունենում ու այդպես էլ մոռացվում են»,- ասաց Էրիկը:
1
2
3
4
5
1
4
5
1
3
4
5
