Գեղարքունիքից տեղեկացնում են
Ուշադրության կենտրոնում
Գեղարքունիքի մարզում անցկացվեց 2022 թվականի ամառային զորակոչի հերթական փուլը։ Հայոց բանակ ճանապարհվեցին ՀՀ ՊՆ Զ և ԶՀԾ Գեղարքունիքի մարզային ստորաբաժանման Գավառի բաժանմունքից:
Զորակոչի արարողությանը ներկա էր Գեղարքունիքի մարզպետի տեղակալ Վահան Զարոյանը, Գավառ համայնքի ղեկավարի տեղակալ Գրիգոր Դաշտոյանը, ՊՆ Զ և ԶՀԾ Գեղարքունիքի մարզային ստորաբաժանման Գավառի բաժանմունքի աշխատակիցներ, մարզի ուժային կառույցների ներկայացուցիչներ, նորակոչիկների ծնողներ, հարազատներ։
Գեղարքունիքի մարզպետի տեղակալը շնորհավորեց նորակոչիկներին և նրանց ծնողներին, բարեմաղթանքի խոսքեր հղեց հայրենիքի պաշտպաններին:
«Սիրելի նորակոչիկներ, շնորհավորում եմ ձեզ Հայոց բանակում զինվորական ծառայության մեկնելու առթիվ։ Վստահ եմ, որ դուք բարձր կպահեք Հայոց բանակի զինվորի պատիվը, կծառայեք անձնվիրաբար և կցուցաբերեք ամենայն պատասխանատվություն՝ ձեր առջև դրված պարտականությունները կատարելու ընթացքում: Համոզված եմ, որ կհանդիպենք երկու տարի անց, երբ դուք ավելի հասունացած կլինեք և կայացած տղամարդ։ Բարի ծառայություն և բարի վերադարձ եմ ցանկանում բոլորիդ»,- նշեց մարզպետի տեղակալ Վահան Զարոյանը:
Ավելին՝ այստեղ
1
2
3
4
5
1
2
3
4
5
1
2
3
4
5
