Ամերիկյան Վիրջինիա նահանգում ապրող Երկրորդ համաշխարհայինի վետերան Նորվուդ Տոմասը Վալենտինի օրը դիմավորերու է Ավստրալիայում իր պատանեկության սիրո հետ՝ բաժանումից 71 տարի անց: Ճանապարհածախսի ու Ջոյս Մորրիսի հետ ժամադրության գումարը իրականացվել է GoFundMe ծառայության շնորհիվ:

 

Այդ ծառայությունը նոյեմբերին սկսել է միջոցներ հավաքել երկու տարբեր մայրցամաքներում ապրող վետերաններին վերամիավորելու համար: Մի քանի ամսում հաջողվել է ավելի քան յոթ հազար դոլար հավաքել: Այդ գումարով Տոմասը փետրվարին մեկնելու է Ավստրալիա:

Air New Zealand ավիաընկերությունը ամերիկացուն անվճար տոմս է առաջարկել առաջին կարգում, քանի որ հավաքած գումարը չի բավարարի հետադարձով տոմս գնելու համար:

 

2015թ.-ի նոյեմբերի 12-ին զույգը առաջին անգամ խոսել է Skype-ով: Մորրիսը, ով պատերազմից հետո տեղափոխվել էր Ավստրալիա, նորություններով տեսել էր վետերանի, ով ցատկել էր պարաշյուտով: Հին նկարներով նա գտել է նախկին սիրեցյալին և իր տղային խնդրել է գտնել այդ մարդուն: Դրանից մի քանի օր անց 93-ամյա Տոմասը և 88-ամյա Մորրիսը պատերամից հետո առաջին անգամ տեսել են միմյանց՝ Skype-ով զրուցելիս: 

 

21-ամյա Տոմասը և 17-ամյա Ջոյսը ծանոթացել էին 1944թ.-ի գարնանը Լոնդոնում: Նրանք միասին են եղել մի քանի ամիս, բայց հետո Նորվուդին տեղափոխել են Ֆրանդիա, իսկ պատերազմի ավարտից հետո նա վերադարձել է ԱՄՆ: Երիտասարդ զույգը  կապ է պահպանել, Նորվուդը նույնիսկ առաջարկել է ընկերուհուն տեղափոխվել իր մոտ և ամուսնանալ, բայց նա մերժել է, պատճառաբանելով, որ սովորում է բուժքույր դառնալու համար: 

«Այդ պահին ես հասկացա, որ իմ զգացմունքները ավելի շատ են քան նրանը»,- ասում է վետերանը: Դրանից հետո զույգը կապ չի ունեցել:

Նորվուդը համոզված էր, որ Մորրիսը մահացել է 1996թ.-ին ավիավթարում: Նա թերթում կարդացել էր, որ ինքնաթիռում բրիտանացի բուժքույր կար Ջոյս անունով: