Մաշտոցի ու Բաղրամյան պողոտաներով կազմակերպվեց խաչերթ դեպի Սիրահարների այգի
Հասարակություն
Սուրբ Սարգիս Զորավարի տոնի առթիվ հունվարի 23-ին Արարատյան հայրապետական թեմի առաջնորդանիստ Սուրբ Սարգիս եկեղեցուց Մաշտոցի ու Բաղրամյան պողոտաներով դեպի Սիրահարների այգի կազմակերպվեց խաչերթ:«Արմենպրես»-ի փոխանցմամբ՝ թափորն առաջնորդեց Արարատյան հայրապետական թեմի առաջնորդական փոխանորդ գերաշնորհ Տեր Նավասարդ արքեպիսկոպոս Կճոյանը: Խաչերթին մասնակցեցին բազմաթիվ հավատացյալներ և Արարատյան հայրապետական թեմի Երիտասարդաց միությունների անդամները: Տոների առթիվ բացի հոգևոր արարողակարգից նախատեսված են այլ մշակութային միջոցառումներ ևս:
Այս տարի Հայ առաքելական եղեկեցին Սուրբ Սարգսի տոնը նշում է հունվարի 23-ին: Ս. Սարգսի տոնը Հայաստանում ընդունված է նշել ոչ միայն եկեղեցական ծեսով, աղոթքով, այլեւ ժողովրդական սովորույթներով, որը մեզանում նվիրական ավանդույթ է: Ս. Սարգիսը երիտասարդների արագահաս բարեխոսն է: Նրա միջնորդությամբ հրաշքներ են տեղի ունենում: Այդ օրը երիտասարդներն աղոթում են Սրբին, որ իրենց աղոթքները հասցնի առ Աստված: Ս. Սարգիսը սիրո երազանքն իրականացնող Սուրբ է: Սուրբ Սարգիս տոնի անբաժանալի մասն է աղի բլիթի արարողությունը: Տոնի նախորդ օրը երիտասարդներն ուտում են աղի բլիթ` հույսով, որ երազին իրենց կյանքի ուղեկիցը ջուր կտա:
1
2
3
4
5
1
2
3
4
5
1
2
3
4
5
