Այս բեմադրությամբ ուզում ենք ասել, որ պետք է ապրել, ապրել, ապրել, ժամանակ չկորցնել ու ասել, որ սիրում ես․ Արթուր Սարիբեկյան
Life
Հանրահայտ բրազիլացի գրող Պաուլու Կոելյուի «Վերոնիկան որոշում է մեռնել» վեպի հիման վրա ստեղծված համանուն ներկայացումն այժմ հնարավոր է դիտել Հակոբ Պարոնյանի անվան երաժշտական կոմեդիայի պետական թատրոնի «Երվանդ Ղազանչյան» թատերասրահում:
«Արմենպրես»-ի հաղորդմամբ՝ մեկ գործողությամբ դրաման բեմադրել է Արթուր Սարիբեկյանը, որի խոսքով՝ ստեղծագործության մեջ տեսել է այն, ինչ ցանկացել է փոխանցել թատերասերներին:
«Այս բեմադրությամբ ուզում ենք ասել, որ պետք է ապրել, ապրել, ապրել, ժամանակ չկորցնել ու ասել, որ սիրում ես»,- նշում է ռեժիսորը:
Խոսելով Հ. Պարոնյանի անվան թատրոնում առաջին անգամ աշխատելու մասին՝ Սարիբեկյանն ասում է, որ դերասանական խումբն անասելի հետաքրքիր է, պլաստիկ, իսկ թատրոնն էլ գաղափարներն իրականացնելու ու կայացած աշխատանքը ներկայացնելու հնարավորություն է տալիս:
Ներկայացման մեջ զբաղված են Մարիամ Ղազանչյանը, Ռոբերտ Ղամբարյանը, ՀՀ վաստակավոր արտիստներ Ավո Խալաթյանը, Արթուր Կարապետյանը, Սաթենիկ Հախնազարյանը: Նկարիչն է Մարիամ Մուրադյանը:
Հոգնելով ձանձրալի ու միապաղաղ կյանքից՝ 24-ամյա Վերոնիկան որոշում է ինքնասպան լինել և մեծ քանակությամբ քնաբեր է ընդունում: Մինչ դեղը կներգործեր, Վերոնիկան ամսագրում տեսնում է «Որտե՞ղ է գտնվում Սլովենիան» հոդվածը և որոշում է գրել պատասխանը։
Վերոնիկայի ինքնասպանության փորձն անհաջողությամբ է ավարտվում. բժիշկները փրկում են նրան և ուղարկում Վիլլետ՝ սլովենական բուժարան հոգեկան հիվանդների համար։ Սկզբնական շրջանում Վերոնիկային զբաղեցնում է միայն այն միտքը, թե որտեղից հաբեր գտնի, որ, այնուամենայնիվ, վերջ տա կյանքին…
1
2
3
4
5
1
2
3
4
5
1
2
3
4
5
