Հայաստանի առագաստանավորդները կմասնակցեն Նիժնի Նովգորոդում անցկացվող միջազգային մրցաշարին
Սպորտ
Հայաստանի Առագաստանավային սպորտի ֆեդերացիայի անդամները հունիսին նախատեսում են մասնակցել Նիժնի Նովգորոդում անցկացվող «Նիժեգորոդսկի նահանգապետի գավաթ» միջազգային մանկապատանեկան մրցաշարին: Ինչպես «Արմենպրես»-ին տեղեկացրեց հավաքականի գլխավոր մարզիչ Սմբատ Հակոբյանը, առագաստանավային սպորտում հեղինակավոր այս մրցաշարին առագաստանավերի քանակը անցնում է 60-ից: Մասնակիցների թվում են լինում նաեւ այս սպորտաձեւում եվրոպայի եւ աշխարհի չեմպիոնները:
«Մենք ընդամենը 12 առագաստանավ ունենք: Դրանք ձեռք ենք բերել 3 տարի առաջ: Առանձնապես զարգացած չենք, նոր ենք սկսում եւ մրցանակային տեղերի նման մրցաշարերում չենք հավակնում: Այդուհանդերձ, 2015-ին մասնակցել ենք նույն այս մրցաշաևին եւ մեր մասնակիցներից մեկը 32-րդ տեղն է զբաղեցրել: Հուսամ՝ այս տարի առավել լավ հանդես կգանք: Այս մրցաշարը ցույց կտա` կարո՞ղ ենք առավել խոշոր մրցաշարերի, մասնավորապես, Եվրոպայի եւ Աշխարհի առաջնություններին մասնակցել, թե՞ ոչ»,-ասաց հավաքականի գլխավոր մարզիչը:
Մինչ այդ, Հայաստանում կանցկացնի առագաստանավային սպորտի առաջնություն, որտեղ էլ կպարզվի, թե ովքեր կմասնակցեն միջազգային մրցաշարին: ՝
1
2
3
4
5
1
2
3
4
2
3
5
