Ադրբեջանում վտանգված է «Ֆորմուլա 1»-ի անցկացումը
Header
Արտասահմանյան մամուլը, մասնավորապես Reuters-ը, ESPN-ը, Motorsport.com-ը եւ այլք, անհանգստություն են հայտնել այն բանով, որ մանաթի աննախադեպ արժեզրկվելու հետեւանքով Ադրբեջանում ստեղծված տնտեսական ճգնաժամի պատճառով, Եվրոպայի «Ֆորմուլա 1» առաջնությունը, որը ծրագրված է Բաքվում անցկացնել այս տարվա հունիսի 17-19-ին, կարող է տեղի չունենալ:
Ինչպես հաղորդում է «Արմենպրես»-ը, բրիտանական Reuters լրատվական գործակալությունը հիշեցնում է, որ երկրները, որտեղ անցնում են «Ֆ-1» փուլերը, «Ավտոսպորտի թագուհու» տերերին խոշոր փողեր են վճարում:
«Եվրոպական երկրները, որտեղ «Ֆորմուլա 1» մրցարշավներն անցկացվում են արդեն շատ տարիներ, ավելի քիչ փող են վճարում, քան դրանց միացած նոր էկզոտիկ երկրները: Պայմանագրերի մանրամասները խիստ գաղտնի են պահվում: Սակայն, ԶԼՄ-ները գտնում են, որ այնպիսի երկրներ, ինչպիսիք են Բահրեյնը եւ Արաբական Մի ացյալ Էմիրությունները տարեկան 40 մլն դոլարից ավելի գումար են վճարում», -հայտնում է գործակալությունը:
Ըստ գործակալության, եթե Բահրեյնի եւ ԱՄԷ-ի վերաբերյալ ենթադրությունները ճիշտ են, ապա ամենայն հավանականությամբ, մրցարշավի անցկացման համար Ադրբեջանը եւս մոտավորապես նույնքան գումար է վճարել:
«Բաքվում առկա են նաեւ ենթակառուցվածքային ծախսեր` կապված ժամանակավոր շինությունների կառուցման եւ քաղաքային փողոցների ասֆալտի հարդարման հետ: Իսկ տոմսերի վաճառքից եկամուտները չնչին կլինեն: Ծրագրվում է 28 հազար առավելագույն տարողություն (Baku City Circuit-ն ավելի վաղ հայտնել էր 30 հազար տոմս վաճառքի հանվելու մասին), նշանակում է մրցարշավի Բաքվի փուլը կունենա սեզոնում ամենացածր հաճախելիությունը», -նշում է Reuters-ը:
«Ֆորմուլա 1»-ի Բաքվի փուլի կազմակերպիչները ժխտում են նավթի գնանկման եւ մանաթի արժեզրկման պատճառով Ադրբեջանի մայրաքաղաքում մրցարշավի չեղարկման հնարավորությունը: Նրանք համոզմունք են հայտնում, որ մրցարշավի «Ֆ-1» փուլի անցկացումը Բաքվում «կարճաժամկետ հեռանկարում կարեւոր դեր կխաղա Ադրբեջանի տնտեսության վերականգնման մեջ եւ առաջիկա տարիներին կբարձրացնի երկրի ազգային էկոնոմիկան»:
1
2
3
4
5
1
2
3
4
5
2
