Մխիթարյանը հույս ունի հաջորդ մրցաշրջանում ևս մնալ «Բորուսիա»-ում
Սպորտ
Ֆուտբոլի Հայաստանի ազգային հավաքականի կիսապաշտպան Հենրիխ Մխիթարյանը հայտարարել է, որ նախորդ մրցաշրջանի ավարտից հետո Դորտմունդի «Բորուսիա»-ում մնալու որոշում է կայացրել թիմի գլխավոր մարզիչ Թոմաս Տուխելի հետ զրույցից հետո: «Առաջին անգամ նրա հետ հանդիպել եմ նախորդ տարվա մարտին, և նա համոզեց ինձ մնալ: Ես ցանկանում էի ապացուցել, որ արժանի եմ գտնվել այստեղ: Նույնը ես անում եմ նաև այս տարի` փորձելով օգնել թիմին հաղթել որքան հնարավոր է շատ խաղերում, խաղադաշտում ցույց տալ իմ կարողությունները»,- ինչպես փոխանցում է «Արմենպրես»-ը՝ վկայակոչելով Deutsche Welle-ն, ասել է Մխիթարյանը:
Պատասխանելով հարցին՝ հաջորդ մրցաշրջանում կմնա՞ Դորտմունդում՝ Մխիթարյանը նշել է. «Հույս ունեմ: Հնարավոր է՝ Տուխելը անհրաժեշտ փաստարկներ կբերի նաև այս անգամ»:
Բունդեսլիգայի ընթացիկ մրցաշրջանում Մխիթարյանը դորտմունդցիների կազմում անցկացրել է 16 խաղ, խփել 6 գոլ և կատարել 8 գոլային փոխանցում:
Մխիթարյանի գործող պայմանագիրը «Բորուսիա»-ի հետ ավարտվում է 2017 թվականին: Ակումբի ղեկավարությունը ոչ մեկ անգամ է հայտարարել, որ կանի ամեն ինչ Մխիթարյանին թիմում պահելու համար:
1
2
3
4
5
1
2
3
4
2
3
5
