Խնդիրրն անձնական է, նաև կապված է Սիրուշոյի՝ ճանաչված լինելու հետ․ Լևոն Քոչարյանը՝ ԱՄՆ քաղաքացիության մասին
Այսօր խաղաղ դիմադրության շարժման մասնակիցները Նիկոլ Փաշինյանի հրաժարականի պահանջով Նոր Նորքից քայլերթով իջան դեպի Ֆրանսիայի հրապարակ։ Մենք նրանց հանդիպեցինք Մյասնիկյան պողոտայում։ Երթի մասնակիցներն էին նաև ԱԺ պատգամավորներ Արամ Վարդևանյանը, Արթուր Ղազինյանը, նաև ՀՀ երկրորդ նախագահ Ռոբերտ Քոչարյանի կրտսեր որդին՝ Լևոն Քոչարյանը։ Վարդևանյանը Hraparak.am-ին ասաց, որ իրենք «Մեծ անիվ» խանութի մոտից են քայլերթով շարժվել։
Հարցին՝ փողո՞ց էին փակել, Վարդևանյանն ասաց․ «Անհնազանդության ակցիաներ կային՝ մոտ մեկ ժամ, կարծես թե ոստիկանական ուժերը ջլատվել էին, բայց երբ եկան, քաղաքացիները որոշեցին ազատել փողոցը։ Շատ կարևոր է ֆիքսել, որ այլևս քաղաքացիներն են որոշում՝ փողոցները փա՞կ լինեն, թե՞ բաց լինեն»։
Վարդևանյանի կողքով քայլող Լևոն Քոչարյանն էլ, որին երեկ բերման էին ենթարկել ոստիկանները, ասաց, որ հատուկ հրահանգով էին իրեն մոտեցել՝ բերման ենթարկելու, մոտեցել ասել են, որ պետք է բերման ենթարկեն։
Կրտսեր Քոչարյանն անդրադարձավ նաև համացանցում իրեն ուղղված քննադատություններին, որ ինքը փողոց է փակում, որ պաշտպանի իրենց ունեցվածքը։
«Եթե ունեցվածք պաշտպանելու խնդիր ունենայինք, մենք, ընդհանրապես, ինչի՞ պետք է էստեղ մնայինք, դեռ երեք-չորս տարի առաջ կթողնեինք կգնայինք, կոպիտ ասած՝ հա՛մ մեր գլուխը հանգիստ կլիներ, հա՛մ իրենց գլուխը հանգիստ կլիներ։ Այսինքն՝ մենք երեք տարի շարունակ զգուշացնում ենք, որ էս իշխանություններն աղետ են բերում, էս իշխանությունները պատերազմ են բերելու, էս իշխանությունների պատճառով Արցախ ենք կորցնելու, ասում էինք, չէ՞, էդ ամեն ինչը»։
Նա նաև անդրադարձավ այն քննադատություններին, թե ինքն այնպես է արել, որ իր երեխան ծնվի Ամերիկայում, որ ԱՄՆ քաղաքացի լինի, հիմա ինքը եկել ՀՀ քաղաքացիների երեխայի ապագայի համար է պայքարում, մինչդեռ հայրենասիրություն կլիներ այն, որ ՀՀ քաղաքացի լինեին իրենց երեխաները, ԱՄՆ-ում չծնվեին։
«Ես էդ մասով գրառում եմ արել, իմ բացատրությունը տվել եմ, կան մի քիչ անձնական ուրիշ խնդիրներ, որոնց մասին ես ճիշտ չեմ համարում բարձրաձայնել․․․ Բայց ծննդավայրը չէ կարևորը, կարող է էստեղ ծնվի՝ երեք ամսականից երեխային վերցնի տանի ուրիշ տեղ ապրի։ Նման բան չկա ընդհանրապես, խնդիրրն ուրիշ տեղ է, նաև կապված է Սիրուշոյի՝ ճանաչված լինելու հետ»,-ասաց Լևոն Քոչարյանը։
Մանրամասն՝ տեսանյութում
1
2
3
4
5
1
3
4
5
1
2
3
5
