Արամի 30 հասցեում քանդված շենքի տարածքում նոր կառույց չի լինելու

Առաջիկայում քանդվելու է նաև Արամի, 30 հասցեում գտնվող հին, արդեն քանդված շենքին կից շինությունը: Այս մասին հունվարի 22-ին լրագրողների հետ զրույցում հայտնեցտարածքի սեփականատեր ԱվոՔարագոզյանը: Նա ընդգծեց, որ Արամի, 30 հասցեում գտնվող շենքը քանդելու համար ունեցել է քաղաքապետարանի թույլտվությունը:  «Իմ քանդած տեղերը քաղաքային ճանապարհ են լինելու: Ես քանդել  եմ այսօր եւ պետք է պետությանը հանձնեմ ճանապարհը: 2004-ին էի այդ նախագիծը տեսել: Երվանդ Զախարյանն էր քաղաքապետը, երբ ներկայացրեց, ես արդեն տեսել էի այդ մասը: Նախապես ունեին իրենք այդ նախագիծը, ոչ թե վերջում որոշվեց: Խնդիրն ինձնով չի սկսվել, ես սպասեցի երկու-երեք տարի, մեկն ինձ չասաց, որ սա հուշարձան է եւ չպետք է քանդվի»,-«Արմենպրես»-ի հաղորդմամբ՝ նշեց Ավո Քարագոզյանը՝ հավելելով,  որ Արամի, 30-ի շինությունը ավելի շուտ չի քանդել, քանի որ վախեցել է ակտիվիստներից, որոնք տարիներ առաջ պայքարում էին շենքի պահպանման համար:

«Ես ակտիվիստների խնդրից վախեցել էի, եւ չուզեցի, որ գային բողոքեին: Կգային կասեին, որ չպետք է քանդվի: Ես արել եմ, ստորագրել եմ, ստացել եմ նախագիծը եւ պարտավորություն ունեմ պետության դիմաց, որ պետք է իրագործեմ: Սա նոր ծրագիր չէ: Կարծեմ, 10-15 տարվա ծրագիր է»,- ասաց կառուցապատողը՝ պարզաբանելով, թե ինչու է շենքը գիշերը քանդվեց:

Շինության նախագծի հեղինակ, ճարտարապետ Աշոտ Ալեքսանյանն էլ նշեց, որ այսօր Արամի փողոցը շատ նեղ է, առվակի նման փողոց է եւ շատ կարեւոր է դրա լայանցումը: «Պետք է շրջանցել հրապարակը, միակ տարածքն է, որտեղ տրանսպորը կարող է շրջանցել հրապարակը: Արամի փողոցին կից կա մի մայթ, որը հարակից է թանգարանի շենքին: Այդ մայթը լիարժեք մայթ չէ: Մենք մայթը լայնացնում ենք, որպեսզի բոլոր մարդիկ կարողանան օգտվել մայթից, նորմալ շաժման իրավունքներից: Մենք այդտեղ կանաչ պուրակ ենք ունենում, ստանում ենք երթեւեկելի եւ տրան սպորտային լայն շարժում: Մետրոյի ելքն իր նպատակը շարունակում է: Աբովյան փողոցի կողմից շենքը հետ է գտնվում 7 մետր, Աբովյանի մայթն էլ հետ տրվում, ստեղծվում է տարածական լայն միջավայր»,- ասաց ճարտարապետն ու հավելեց, որ ապամոնտաժել են տարածքը քաղաքին վերադարձնելու համար, եւ տեղում ոչինչ չի կառուցվելու:

Ավո Քարագոզյանն էլ հավելեց, որ Աբովյան 2/5 հասցեում նախատեսվում է կառուցել նոր հյուրանոց:

Լուսանկարը`Ազատություն ռադիոկայանի